RIHA - L.A.M. ke semedê tezê lîsansê berzî ameye Riha, hetê wayîrê keyeyî ke mendêne ra ameye tacîzkerdiş. Serê gerrekerdişê faîlê tacîzî ame destbendkerdiş.

 

L.A.M. ke bi komêke 5 embazê xo yê Çekyayî semedê tezê lîsansê berzî yê ser eşîretê herême amade bikero, ameye Riha, hetê wayîrê keyeyî ke mendêne ameye tacîzkerdiş. Koma 5 wendekarê ke vernîya di mengan semedê tezê lisansê berzî ameyî Tirkîya, dimayê vînayîşê keyeyêk seba mendişî bi rayîrê muracatê medyaya dîjîtalî ameyî Riha. Wayîrê keyeyî Aydin Dag ke eynî wextî de wayîrê merkezê weşikî yo, bi bahaneyê ewnîyayîşê çermî, L.A.M (20) ke berd merkez tacîz kerd. Aydin Dag, dimayê ewnîyayîşê çermî, tacîzê L.A.M. ke nêweşîya asperger sendromî (bêreaksîyon mendiş) ci dir esto kerd. 

 

Dimayê tacîzî L.A.M. û embazê ci  bi paştdayîşê Merkezê Heqê Cinîyan ê Baroyê Amedî şî muracatê Qereqolê Polîsan ê Sarayonu kerdî û gerreyê Aydin Dag kerdî. Aydin Dag dimayê gerre ame destbendkerdiş, dima ra ame tepiştiş û ey şawitî zîndan.