ANQARA - Avûkate Hîlal Çelîk sererastkerdişê madeyê ‘bi rayîrê îcrayî teslîmkerdişê tutan' yê 5in  Pakêta Hukmî ya Reformî ya AKPyî amade kerdo, ercna. Hîlale dîyar kerd ke made de ewnîyayîşêk derheqê tutan de çin o, serê sîstemêko xirab de zî çîyêke newe mimkun nîyo bêro awankerdiş.

 

5in Pakêta Hukmî ya ke AKPyî kerdibi rojeve xo 5ê teşrîna peyêne de Komîsyonê Edaletî ya Meclîsî de ame munaqeşekerdiş. Pakêta ke şawitî Heyetê Pêroyî de, derheqê Qanûnê Îflasî yê Îcrayî de tay vurnayîşî ameyî pêşnîyazkerdiş, yew zî vurnayîşê ke ameyî pêşnîyazkerdiş, yew ci ra madeyê 'bi rayîrê îcra teslîmkerdişê tutan' bi. Goreyê sererastkerdişê newe, wezîfeyê teslîmkerdişê tutî/e mudurîyê îcra ra do bêro girewtiş û bidê ‘Serekîya Daîreyê Xizmetê Mexdûr û Paştdayîşê Edlî’ binê banê Wezaretê Dadî de falîyetan kenê. Yeno plankerdiş ke heme şîyayîş zî butçeyê wezaretê dade rê bêro visnayîş. Sererastkerdiş de madeyo ke fêdeyê tutan verê çiman de nîno girewtiş bi babeta munaqeşeyî.

 

Merkezê Heqê Tutan ê  Mafê Zarokan a Baroya Anqarayî avûkete Hîlal Çelîk, derheqê madeyê 'bi rayîrê îcrayî teslîmkerdişê tutan' de  Jinnewsî rê ercnayîş kerd.

 

'Beno netîceyê travmatîk vejîyê meydan' 

 

Hîlale dîyar kerd bi rayîrê îcra teslîmkerdişê tutan babetêka xeylêk bi munaqeşe ya û na rewşe hetê tutan de netîceyê travmatîk vejêna werte. Hîlale wina vat: "Ma wazenê ke îmkanê ekonomî yê semedê tutan, prosesê travmatîk nêrê ciwîyayîş û keye têkiliyê bi tutanê xo dir mesref nêkero. Tîya de rewşa girîng aya ke rewşe senîn û bi çi hawa yena kerdiş."

 

'Tutî sey hacet yenê vînayîş' 

 

Hîlale bale ant serê muhtewayê pakête û vat: "Pakête de fêdeyê semedê tutan wetayêr, nêzdîbîyayîşêko sey tutan hacet vînenê esto. Nê tewrbîyayîşê tutan de baldar bêro girewtiş yan zî semedê nê tutan derheqê paştdayîşo ke yeno dayîş de tu zanayîş çin o. Bi pêroyî serê heqê keyeyan de ameyo vindernayîş."

 

'Prosesê derheqê tutan de bi tesîr nîno kerdiş' 

 

Hîlale dewam de wina vat: "Semedo ke nê caardişî hetê Mudurîyê Xizmetê Mexdûr û Paştdayîşê Edlî yê Medxûr yenê kerdiş, endîşe vejênê werte. Semedo ke nê sazî barê înan giran o. Demo ke merdim keyepelê înternetê înan de ewnîyeno, rewşa bîyaye de 108 Mudurîyî estê. Anqara de zî edliyeyê merkezî û Edliyeyê Bati mudurî estê. Barê înan giran o. Coka derheqê karê tutan de baş nîno  kerdiş. Bi sererastkerdişî babeta vatişî ya, cayê midûrîyê îcrayî Serekîya Daîreyê Xizmetê Mexdûr û Paştdayîşê Edlî girewtê. Yewin çîyo vuryayo, vera ke pere bêro dayîş yeno kerdiş. Semedê nê zî do bar giran bo. Madeyo ke bîn tutî bi suîstîmalî dir yenê rî bi rî, esto. Vano ke, ‘Wexto ke fêdeyê tutî bêro ferzkerdiş, bê talîmat teslîmatê ci bêro kerdiş, tut/e bi zor eşkenê hetê asayîşî ra bêrê girewtiş.' Na rewşe zî suîstîmalî rê akerdeya. Sererastkerdişî derheqê kar û barê teslîmgirewtişê tut/e de kam ci şertan de bi ca yeno zî zanayîş çin o."

 

Hîlale tewr peyîn qiseykerdişê xo de dîyar kerd ke cinî û tutî rewşa normal de wareyêke bi asayîş de ciwîyenê û problemêko zaf giran o û ganî paştdayîş semedê cinîan bêro dayîş."