WAN - Ezo Westaya ke 15 serrî yo bi tamîratê karê ceyranî tecrube qezenc kerda, dîyar kerd ke cinî xo ra bawer bê, çîyêk nêkerê çin o. 

 

Cinîyê ke cuye de wayîrê kedêke pîl ê. Semedê polîtîkayê vera têduştîyê cinsî û rolê cinsî yê komelî, rastê her tewir şîdetî yenê. Pêwa ke şîdetê fîzîkî yê hemverê cinîyan zaf ameyo rojeve zî, cinî şîdetê ekonomî û psîkolojîk zî kûr ra hîs kenê. Îqtîdaro ke bi polîtîkayê dişminî cinîyan şîdet zêde kerdê, bi polîtîkayê ekonomî zî beno sebebê problemê cinîyan. Cinîyê ke hemverê nê polîtîkayan xo ver danê,  tabuyê ‘karê camêrdan o’ şikinenê.

 

Nazîme Curga ya taxa Dere ya Artemît a Wanî de manena, keyeyê xo de hacetê ceyranî tamîr kena û no heta westatî şin o. Nazmîye ke nîşanê Ezo Westa zî girewta 15 serrî yo xo ver dana.

 

Rojêke Ezo Westa

 

Ezo Westa dîyar kerd ke keye de dimayê karî demo veng de hacetê ceyranî tamîr kerda û vat: "Mi hacetê yê qij tamîr kerdêne. Mi ketle, semawer û yêbînî tamîr kerdêne. Mi yê cîranan tamîr kerdêne. Nika her tewir hacetan tamîr kena. Demêk derg camêrdan nê qebul nêkerdêne. Di rojî verê camêrdak kal  ame vat, sobaya mi xira soba mi xira bîyo. Vat, westa ça de yo. Mi vat, westa ez a. Serê nê verda û şi. Roja bîn ame dikan û vat, mi berdo xeylêk ca la tamîr nêkerdê, tu biewne. Mi soba girewte û roja bîn viraşt û da ci. Camêrd şaş mend. Ewnîyeyîşê vera mi ra vurya."

 

'Ez nêeşkena hacetan bigîrî'

 

Ezo dîyar kerd ke krîzê ekonomî giran bîyo, di rojan ra reyke zam yeno hacetan û vat: "Semedo ke hacetî bîyê vay, ez nêeşkena bigîrî ke tamîr bikerî. Ez debara xo bi nê karî kena. Semedo ke zemo ke yeno kerdiş, ma zî tesîr benê."

 

'Çîyê ke cinî nêkerê çin o'

 

Ezo Westa wina vat: "Pêwa krîzî ma xebatan dewam kenê. Ez tecrubeyê xo nîşanê cîrananê xo zî dana. Her çî vay o. Cinî nêeşkenê çîyêk bigîrê. Cinî hacetanê xo anê verê mi, ez tamîrat înan rê musnena. Xeylêk cîranê mi nika çîyê xo bixo viraznenê. Wa cinî xo ra bawer bê. Çîyo ke cinî nêkerê çin o."