RIHA - Emîne û Ferît Şenyaşar ke Nobeta xo ya Edaletî 250 rojî yo dewam kenê, bi vatişê “Yan edalet yan îstîfa” reaksîyon vera îqtîdarî dayî.

 

Çalakîya Nobeta Edaletî ke Emîne û Ferît Şenyaşar 9ê Adare de verê Edliyeyê Rihayî de dabî destpêkerdiş roja 250ine dewam kena. Emîne û Ferît ke semedê peynîya hewteyî çalakîya xo keyeyê xo yê qezaya Pirsûsê Rihayî de dewam kenê, serê hesabê xo yê medyaya dîjîtalî de mesajêk pare kerdî.

 

Mesajê Emîne û Ferîtî wina yo: “Têkoşînê ma yê edaletî roja 250ine de dewam keno. Sebebê berzbîyayîşê dolarî ê 10 lîreyî ekonomî ra nîyo, îdarekerdişê xirabî ra yo. Remnayîşê sermayeyî yê bêhuqûqî yo. Yan edalet yan îstifa.”