MERKEZÊ XEBERAN - Temsîlkarîyê PYDyî yê başûrê Kurdistanî yê Silêmanî serê azadî û şîdetê cinîyan de semînerêk semedê cinîyê rojawanê Kurdistanî ame dayîş.

 

Temsîlkarîya PYDyî ya başûrê Kurdistanî ya Silêmanî de vizêr şan de çarçewaya çalakîyê 25ê teşrîna peyêne Roja Têkoşînê Hemverê Şîdetê Cinîyan ser de semînerêk semedê cinîyê rojawanê Kurdistanî ame dayîş. Semîner bi deqeyêke rêzgirewtişê semedê cinîyê ke rayîrê azadîya Kurdistanî de dinyaya xo bedilnayê dest pêkerd.  Semîner hetê Aktîvîsta Heqê Cinîyan ra  Lêman Şewaş ra ame dayîş.

 

Semîner de qalê girîngîyê 25ê teşrîna peyêne Roja Têkoşînê Hemverê Şîdetê Cinîyan de am ekerdiş û ame dîyarkerdiş ke ganî cinî wayîrê heqê xo vejîyê.

 

Aktîvîsta Heqê Cinîyan Lêman Şewaş vat: "25ê Teşrîna Peyêne hetê Neteweyê Yewbîyaye (NY) ra sey roja têkoşînê hemverê şîdetê cinîyan ameyo dîyarkerdiş. A roje pêro dinya de sey roja têkoşînê cinîyan yena vînayîş. A roje çimeyê xo xoverdayîşê hîrê wayê ke hemverê zulm û zordarî dinyaya xo bedilnayê gêna. Coka her serre a roje de vîrardişê înan yeno kerdiş."