Hêlîn Asmîn 

 

ŞEHBA - Cinîyê Îdarekarîyê Meclîsê Keyeyê Şehîdan ê herêma Efrînî tecrîdê serê Rayberê PKKyî Abdulah Ocalanî şermezar kerdî û wina vatî: "Rayber Apo zîndan de yo la fikr û felsefeyê ci mîyanê ma de gane yo. Ma do sey ciwanê keyeyê şehîdan xo ver bidê ke Rayberê xo bixelisnê. Heta azadîya Rayber Apo ma do her roje wareyan de bê."

 

Tecrîdo giran yê serê Rayberê PKKyî Abdullah Ocalan ke 22 serrî yo dewam keno, her ke şino giran beno. 7 mengî yo Abdullah Ocalanî ra agahî nîna girewtiş. Muracatê keye û avûkatan zî nînê cewabkerdiş yan zî bi bahaneyê cezayê dîsîplînî yenê redkerdiş. Cinîyê Îdarekarîyê Meclîsê Keyeyê  Şehîdan ê herêma Efrînî zî bale antî serê tecrîdê giran ê serê Abdullah Ocalanî û vatî, heta azadîya Abdullah Ocalan do wareyan de bê.

 

'Heta azadîya Rayber Apo ma do her roje wareyan de bê' 

 

Îdarekarîyê Meclîsê Keyeyê Şehîdan ê herêma Efrînî Xedîce Xelîl, tecrîdê serê Rayberê PKKyî Abdulah Ocalanî şermezar kerd û wina vat: "Ma sey Meclîsê Keyeyê  Şehîdan tecrîdê serê Rayber Apo şermezar kenê. Dewleta tirkî ya dagirker tecrîdê serê Rayber Apo giran kerda, semedo ke tersê dewleta tirkî şarê kurdî ra esto û  wazena moralê şarî bi nê tecrîdî xira bikero. Rast o Rayber Apo zîndanê Îmraliyî de yo la fikr û felsefeyê ci zerrî û mezgê ma de yo. Ewro ma bi felsefeyê Rayber Apo xeylêk destkewtişê bi dest bikerê. Ewro heme şarê Rojawanê Kurdistanî de pey fikrê azadî de yê, semedê nê tecrîdê serê Rayberî tewr zêde giran kenê. Vengdayîşê ma heme dewletê mîyanneteweyî dir oyo ke heqê merdimayî wayîr vejîyê. Ma bi taybetî veng danê CPTyî êdî rewşa Rayber Apo pers bikero. Çira destûr nêdanê ke avûkat û keyeyî bi Rayber Apo dir pêvînayîş bikerê? La ma sey cinîyê kurdî tu wext hêz û moralê xo xira nêkerê, ma do her wext gamê pîlan bierzê û ma do serbikewê. Semedo ke fikrê Rayber Apo do her wext mîyanê şarê azadîwaştoxan de gane bo. Ma do her wext pey felsefeyê Rayberê xo de bê, her roje wareyan de bê. Bi taybetî ma do cinîyê Efrînî tekoşînê xo pîl bikerê heta ku Rayber Ocalanî azad bikerê."

 

'Ganî no tecrîdê serê Rayber Apoyî peynî bibo'

 

Sewbîna endama Meclîsê Keyeyê Şehîdan ê Dewa Til Qeraxî, dayîka pakrewan Engîzek Xedîce Elo zî wina vat: "Ma sey dayîk û keyeyê  Şehîdan nê tecrîdî û heme dewletê ke destê înan mîyanê tecrîdî de esto şermezar kenê. Serra 1993 de wexto ke ez bi serekî dir ronişta Rayberî vat, 'Ganî şima serdayîşê merdimê Fîlîstînî bikerê, ez semedê her şarêke bindest veng dana.' Rayber Apo heme şarê bindestî rê waştişê azadî keno. Eke merdim goreyê felsefeyê Rayber Apo rayîra bero merdim xeylêk gamê pîl bierzo.  Ma pêro dewletan rê û CPTyî ra vanê êdî bes o, ganî no tecrîdê serê Rayber Apo peynî bibo. Dewletê mîyanneteweyî eke şima bi rastî bi nameyê însanetî veng danê ganî şima nê tecrîdî peynî bikerê. Bi 22 serrî yo Rayberê ma zindanê Îmraliyî de yo. Her roj tecrîdê serê ci  giran kenê. Ganî ma Serekî zindan ra vejê. Ma pêro keyeyê şehîdan pey Rayberê xo de yê. Rayberê ma verda ke ma xo tewr baş nas bikerê. Wa dewleta tirkî ya dagirker tu wext xeyal nêkero ke şarê kurdî do game peyser bierzo. Serek Apo her wext do zerrî û mezgê ma de bo û her tim do serkeftin ê şarê kurdî bo. Bi can û bi rihê xo ma do bi serekî dir bê.

 

'Ma tu wext vînî nêkenê' 

 

Îdarekarîyê Keyeyê Şehîdan ra Buşre Mehmed wina qal kerd: "Ma tu wext tecrîdê serê Rayberê PKKyî Abdulah Ocalanî qebûl nêkenê. Çiqas serekê ma zîndan de bo zî la her wext fikrê ey mîyanê ma de yo û ma nê ser o xo bi rêxistin kenê. Wa  dewleta tirkî a dagirkere baş bizano ke ma tu wext vînî nêkenê. Ma do  sey ciwanê Keyeyê Şehîdan heta ke Rayberê ma azad bibo têkoşîn bikerê."