Hêlîn Asmîn

 

ŞEHBA - Endama Koordînasyonê Kongreya Starî ya herêma Efrînî, Fatma Silêman derheqê rewşa cinîyan ê peyîn ê Efrînî de qisey kerd. Fatma dîyar kerd ke Efrîn de cinî benê hedef û wina vat: "Amancê dewleta tirkî ya dagirker oyo ke projeyê Netewa Demokratîk û hêzê cinî biqedêno."

 

Dewleta tirkî û komê girêdayê ci 18ê Adara serra 2018ine ra Efrîn kerda binê kontrolê xo. Cinîyê Efrînî her tim anê ziwan ke o wextî ra yo Efrîn cinîyan rê bîyo cehennem. Semedo ke dewleta tirkî her tim cinîyan û tutan xo rê kena hedef. Efrîn de rojane dewleta tirkî û komê girêdayê ci cinîyan remnenê. Tewr peyîn dewa Îskayî ya girêdayê qezaya Cindirêsî de mîyan de 2 cinî 14 sivîlî ameyê remnayîş. Xêrcê nê zî  cayê bînî girêdayê bajarê Efrînî roj bi roje kerdişê dewleta tirkî dewam de yê. Derheqê na babete de Endama Koordînasyonê Kongreya Starî ya herêma Efrînî Fatima Silêman ajansê ma rê ercnayîş kerd.

 

'Dişmin hêzê cinîyan ra terseno'

 

Fatma destpêkê qiseykerdişê xo de wina qalê rewşe kerd: "Verê ke dewleta tirkî ya dagirker hêrişê Kantonê Efrînî bikero, şarê ma wareyê xo de cuyêka bi asayîş ciwîyayîne. Cinîyan bi hawayêke xurt Efrîn de bi rêxistin kerdibî, kar û xebatê cinîyan her tim laver bi. Hetê dîplomasî de cinî wayîrê rolêk girîng de bî. Cinî pêwa her çî heqê xo waşt. Cinîyê Efrînîjî hetê zanabîyayîşî de sewîyeya tewr vernê de bî. Wexto ke dişminî dî cinî bîya wayîrê hêzêk coka hêriş kerd. Hêz û rolê cinîyan qebul nêkerd û bi tanq û topanê xo hêrişê Efrînêî kerd. Semedo ke tersê dişminî ê bingehîn  hêzê cinîyan o."

 

'Efrîn de cinî benê hedef' 

 

Fatma wina qal kerd: "Amancê dewleta tirkî a dagirkere zorberdişê sîstem û fikrê cinîyan o. Nê esasî ser o hêrişê Efrînî kerd. Wazena hêzê cinîyan ke bi rêxistin kerdo û xo aver berdê biqedêno. a jina ku xwe bi rêxistin kiriye û xwe bi pêş xistiye têk bibe. Amancê dagirkeran o bi ke cinîyan bikerê kole, semedo ke cinî bî sembolê azadîye. Nimûneyê ci zî pakrewan Avesta, Barîne û Hevrîne yê. Ê zî qetî kenê ke cinî bîya sembolê azadîye. Dişmin her wext cinîyan ra terseno û wazeno ke cinî sere bitewêno. Semedo ke eke cinî kole bo, do komel zî kole bo."

 

'Çeteyan xeylêk sîvîlî remnayî' 

 

Fatma bale ant serê kerdişê dewlata tirkî û vat: "Nika bi taybetî Efrîn de çeteyê dewleta tirkî a dagirker Efrîn de rojane cinîyan remnena û fîdye wazena. Çeteyê girêdayê dewleta tirkî a dagirker bi hezaran sivîl remnayê. Tewr zêde cinîyan remnena ke cinî bibê kole. Nimûneyê nînan ra yew zî cinîya digane Nemeta ke ameye remnayîş û binê îşkence de bê suc ameye kiştiş. Bi seyan cinî wina ameyê remnayîş û heta nika tu zanayîş înan ra nêameyo girewtiş."

 

'Heta xelisnayîşê Efrîn û azadîya Rayber Apo ma doher wext wareyan de bê'

 

Fatma tewr peyîn wina vat: "Tewr peyîn Efrîn de xeylêk sivîlî ameyî tepiştiş. Amancê dişiminî oyo ke  nê mewsîmê zeytûnan de welatiyan ra fîdye biwazê. Semedê welatîyê Efrînî derbazê Efrînî bibê demêk sînor akerdî. Semedo ke zirar bidê înan û fîdye biwazê. Dewleta tirk a dagirkere wazena ke Osmanîyan newe bikero. Labelê bi vejîyayîşê Projeyê Netewa Demokratîkî dir şarî xo bi hawayêke xurt bi rêxistin kerd. Dimayê ke ma koçberê Şehbayî bî ma ameyî tîya reyna rêxistinê xo awan kerd. Ganî sewîyeya xoverdayîşê hemverê dişmin bêro berzkerdiş. Heta xelisnayîşê Efrîn û azadîya Rayber Apo ma do sey cinîyê Efrînî tim xo ver danê û wareyan de bê."