Rojda Aydin

 

ŞIRNEX - Endamê Meclîsê Dayîkê Aştîye yê Şirnexî derheqê tecrîdê girankerde yê serê Rayberê PKKyî Abdullah Ocalanî de reaksîyonê xo ardî ziwan û vatî: "Tecrît her wareyê cuye de tesîrê xo nîşan dano. Bi taybetî zî no tecrîd tesîr serê cinî, tut û ciwanan de keno. Azadî û aştî bi Serekî mumkin a."

 

Zîndanê Îmraliyî de 22 serrî yo tecrîdêk giran serê Rayberê PKKyî Abdullah Ocalanî de yeno kerdiş. Demêk derg o  Abdullah Ocalanî ra tu agahî nîna girewtiş. Muracatê ke avûkatê ey seba pêvnayîşî zî kenê cewab nîno dayîş. Tewr peyîn vejîyabi werte ke bi bahaneyê Abdullah Ocalan volta eşto, cezaya disîplînê ci rê ameya dayîş. Agahînêgirewtişê Abdullah Ocalanî sere de keyeyê ey hetê rayaumumî ra bi sebebê reaksîyonan.

 

Endamê Meclîsê Dayîkê Aştîye yê Şirnexî zî derheqê tecrîdê girankerde de qisey kerdî û reaksîyonê xo ardî ziwan.

 

'Îqtîdar fikr û fehmê Serekî ra terseno' 

 

Nafîya Kurt, tecrîdê girankerde yê serê Rayberî PKKyî Abdullah Ocalanî de şermezar kerd û vat ke rewş û weşîya ci xeylêk bigûman o. Nafîye wina vat: "Tecrîd tesîrêk pîl serê ma de kerd. Ma kurdî binê nê tecrîdî de yê. Ma nê tecrîdî nalet kenê û vanê ke wa cade nê tecrîdî peynî bikerê. No tecrîd tesîr serê pêro tepişteyan keno. Bi tecrîdî dir şero bîyaye zî gûr beno. Koyan de çekê kîmyewî xebitnenê û tutanê ma kişenê. Ma nê qebûl nêkenê û wa nê şerî peynî bikerê. Dinya çimê xo padayê. Ma azadîya Serekê xo wazenê. Îqtîdar bi girankerdişê tecrîdî wazeno kurdan çin bikero, semedo ke tecrîd nêwurzno û her ke şino kur keno. Îqtîdaro ke nêwazeno kurdî bibê her hat ra hêriş keno. Fikr û fehmê Serekê ma ra tersenê. Heta Serek azad nêbo ma do tim binê tecrîd de bê. No tecrît her hat ra tesîr serê ma de keno. Şer, kiştiş, tepiştiş û destbendkerdiş xeylêk zêde bîyê. Ma cuyêka azad û aştîye wazenê. Waştişê ma bi tena oyo. Semedo ke wedaritişê tecrîdî ganî ma heme wurzê serê lingan û qebul nêkerê. Roja a roja ke ma bêveng nêmanê û vengê xo tewr berz bikerê."

 

'Ma azadî, aştî û yewîye wazenê' 

 

Zeynep Begenîr zî wina vat: "Zîndanan ra bigî heta wareyê cuye no tecrît tesîrêk pîl serê ma de kerd.  Bi girankerdişê tecrîdî dir hem bajaran û hem zî koyan de şer pîl bîyo. Ma koyan pers kenê dinya çira çimê xo padayê û ma nêeşnawena? Tecrîdê serê Serekî, serê şarê ma yo. Bi taybetî no tecrît tesîr serê cinî, tut û ciwanan keno. Her ca de şerêk lêşin yeno kerdiş. Hetêk ra tutê ma zîndanan de yê, hetêk bîn ra zî bi çekê kîmyewî yenê qetilkerdiş. Ma kurdî zî wazenê sey her şarî wayîrê serekî bê. Ganî ma heme dayîkî dest bidê destê yewbînan, tecrîd bidê şikinayîş û aştî awan bikerê. Ganî masa de roşê û prosesê safîkerdişê bidê destpêkerdiş. Ma zî wazenê bi nasname û ziwanê xo biciwîyê. Ma zî heq û huqûq wazenê. Ma wazenê şerê lêşin bêro vindarnayîş û tutê ma zîndanan ra bêrê vetiş. e bijîn. Em jî maf û hiqûqê dixwazin. No heme zî bi azadîya Serekî mumkin o."

 

'Ma hemverê tecrîdî bêveng nêmanenê'

 

Emîne Alkiş zî wina vat: "Ma hemverê jî bi lêv kir ku ji bo rakirina tecrîdê tecrîdê girankerde bêveng nêmanenê. Ma do xo ver bidê û tecrîd peynî bikerê. Vengdayîşê ma şarê ma ra oyo ke wayîrê Serekî vejîyê. Serekê ma serê rayîrê heqîqetî yo. Serek tim hetê azadî, aştî û têduştî yo. Hizûr û aştî destê Serekê ma de yo. Semedo ke îqtîdar azadî ney şer wazeno her ke şino şer girs keno. Ganî dewletê mîyannetweyî hemverê caardişê îqtîdarî bêveng nêmanê. Ganî bêveng nêmanê. Tecrîd tesîrê xo serê rewşa cenazeyê tutanê ma zî keno û cenaze nêdanê keyeyan. Ganî ma wayîrê keyeyê înan, cenazeyan û bi taybetî zî dayîkê înan vejîyê. Êdî kezeba ma dayîkan veşena. Dimayê ke tecrîd giran bi keyeyê ma ameyî xirabkerdiş û bajarê ma de şer pîl bi. Sebebê nê pêrûnan problemê tecrîdî yo. Coka zî ganî seba safîkerdişî tecrîd bêro wedaritiş. Vengdayîşê mi sere de cinîyan rê û bi pêroyî zî şarê Botanî yê ke hemverê tecrîdî bêveng nêmanê û wurzê serê lingan. Peynîkerdişê şerî destê Serekî de yo. Ganî ma vajê êdî bes o. Tutê ma semedê wedaritişê tecrîdî bedenê xo danê ver bi vêşanî. Ganî dinya zî vengê ma bieşnawo."