AMED - Bi munasebetê serrgera 30ine ê NÇMyî de, do NÇM Amed de çalakîyê tewir bi tewir û konser organîze bikero.

 

Merkezê Kulturî yê Mezopotamyayî (NÇM) do bi munasebatê 30in serrgera xo de bi sloganê, "Berbang" Amed de çalakîyê tewir bi tewir konseran organîze bikero.

 

Do organîzasyon 11ê teşrîna peyêne de saete 14.00ine de bi ramojnayîşê resiman ê Tîyatroyê  Bajarê Amedî û saete 18.00an de bi tîyatroyê, "Hema Hema Jin Elizabeth" dest pêbikero.

 

Do 12ê teşrîna peyêne de zî bi beşdarîyê hunermendê Ma Muzikî û xeylêk hunermendê bîn Eywana Dawetî ya Kaplan City Park Kardelen konser organîze bikerê.

 

Do 14ê teşrîna peyêne de zî saete 13.00 de Merkezê Kulturî yê Dîcle Firatî de çalakîya govende û tutan bêro organîzekerdiş.