COLEMÊRG - Dayîkê Aştîye derheqê tecrîdê giran ê serê Rayberê PKKyî Abdullah Ocalanî de qisey kerd. Dayîkê Aştîye vatî: "Ganî her kes semedê Rayberî bikewo mîyanê tevgerî."

 

Tecrîdê giran yê serê Rayberê PKKyî Abdullah Ocalan ke 22 serrî yo dewam keno, her ke şino giran beno. 7 mengî yo Abdullah Ocalanî rê nîno giirewtiş, muracatê keye û avûkatan zî nîno cewabkerdiş yan zî bi bahaneyê cezayê dîsîplînî yenê redkerdiş. Semedê xebera Abdullah Ocalanî ra nîna girewtiş rayîr ver bi endîşan akeno.

 

Endamê Meclîsê Dayîkê Aştîye yê Colemêrgî vengdayîşê peynîkerdişê tecrîdî kerdî.

 

'Ma wazenê mesajê Ocalanî bieşnawê'

 

Dayîka Aştîye Zozan Gurbuz reaksîyon vera tecrîdî ramojna û vat: "Ma aştî wazenê, şer nêwazenê. Ma wazenê ke xebere Abdullah Ocalanî ra bigîrê. Wa tecrîd peynî bibo. Ma wazenê ke avûkatî şêrê pêvînayîş. 23 serrî yo bi hawayêke bi rêk û pêk pêvînayîş nîno kerdiş. Wa Abdullah Ocalan azad bo. Ma wazenê mesajê Abdullah Ocalanî bieşnawê.”

 

'Ma tecrîd şermezar kenê'

 

Dayîka Aştiyê Gulbeyaz Mihçi zî wina vat: "7 aşmî yo zanayîş Ocalanî ra nîno girewtiş. Ne keye ne zî avûkatî nêeşkenê şêrê. Ma na rewşe şermezar kenê. Ma wazenê xeberêke Rayberî ra bigîrê. Rayberî azadîya şarê kurdî yo. Wa zanayîş bidê avûkatan yan zî keyeyan. Ganî heme Dayîkê Aştîye, her çar parçeyê Kurdistanî de semedê Rayberî bikewê mîyanê tevgerî. Çira nêverdenê pêvînayîş bêro kerdiş."