ÎZMÎR - Ekîbe Zarok Ma yî Kadîfekale de aktîvîteyan organîze kerdî ekîbe ra Evîn Tîryakî dîyar kerd ke do tutan dir her tim bêrê têhet û hedefê înan oyo ke Îzmîr, Wan, Stenbol û Mêrdîn de şube abikerê.

 

Zarok Ma menga temmuze de Amed de semedê perwerdeyê muzîkî bido, ame akerdiş. Zarok Ma bajar bi bajar gêreno û bi tutan dir yeno têhet. Ekîba Zarok Ma, perwerdekarî 31ê teşrîna verêne de Kadîfekaleyê Îzmîrî de bi tutan dir ameyî têhet. Mamosteya pîyanoyî Evîn Tîryakî ke bi ekîbe dir ameye Îzmîrî vat, do bernameyê xo Wan û Mêrdîn de dewam bikerê.

 

Musayîşê deyîrêka kurdî tena cîyayî awan keno 

 

Evîne ke Zarok Ma binê banê Ma Muzîk Center de xebatan kena, dersa piyanoyî dana tutan dîyar kerd ke sey Zarok Ma Kadîfekaleyî de bi tutan dir atolyeyê resmî û muzîk kerdê û wina vat: “Îzmîr de tutê kurdî deyîrêka kurdî zî bi musê, semedê înan cîyayî awan keno. Îzmîr de  do Merkezê Kultur Mezopotamya bêro akerdiş. Xebatê ma semedê tutan do dewam bikerê. Eleqeyê tutan zêde yo. Nêzdîyê 30 tutî tewr bî. Nêwazenê şêrê. Ma zî wazenê reyna bêrê.”

 

Projeyê Zarok Ma 

 

Evîne tewr peyîn vat ke hedefê Zarok Ma û vat, wazenê Îzmîr, Stenbol, Wan û Mêrdîn de zî Ma Musîc Center abikerê û wina qedêna: “Amed de Zarok Ma esto. Ma wazenê her kes tutanê xo bîyarê. Tutê ma  kursîyerê ma xeylêk zêde yê. Kes bi kultur û ziwan pîl nêbeno. Hemverê nê ma wazenê tutî bi kultur û ziwanê xo pîl bibê. Heqê her kesî semedê nê esto.”