MERKEZÊ XEBERAN - Sereka Koma Tevgerê Goranî ya Parlamentoyê Herêma Kurdistanî Gulistan Seîd dîyar kerd ke ganî Parlamentoyê Herêma Kurdistanî bi fermî Îdarekerdişê Xoser ê Vakur û Rojhelatê Sûrîye nas bikero.

 

Sereka Koma Tevgerê Goran ê Parlamentoyê Herêma Kurdistanî Gulistan Seîd serê babeta lazim ê Parlamentoyê Herêma Kurdistanî ke Îdarekerdişê Xoser ê Vakur û Rojhelatê Sûrîye bi fermî nas bikero  Rojnewsî rê qisey kerd û vat: "Heme pileyê xo yê îdarî xoîdarekerdişê Vakur û Rojhelatê Sûrîye de esto, çi wareyê çimeyê xozayî, çi zî wareyê îdarekerdişêk rêkûpêk de. Sey ke imtihanê Îdarekerdişê Xoser ê ma mîyanê çend serrê vîyarte de vînayo, kare rîdarekerdişê serkewte bikerê."

 

Gulistan Seîd dîyar kerd ke Îdarekarîyê Xoser kare binesazgehê ekonomî rêxistin bikero û rewşa cuya şarî tewr baş bikero û vat: "Ganî Kurdî semedê parçeyê bîn timî hemkar û hemaheng bê. Bi taybetî ganî Başûrê Kurdistanî paştdayîşê beşê bîn yê Kurdistanî bikero. Sey wextê şerê Kobanî de Parlamentoyê Herêma Kurdistanî qerar da pêşmerge bişawo, nika ganî Parlamentoyê Kurdistanî îdarekerdişê xoser nas bikero.”

 

Gulistan Seîd  eşkere kerd ke ganî semedê bi fermî Îdarekarîyê Xoser ê Vakur û Rojhelatê Sûrîye hetê parlamento ra bêro naskerdiş ganî proje bibo û wina vat: “No proje zî ganî hetê kesê taybet rê bêro nusnayîş. Semedê paştdayîşê temamê pêameyîşan û hetê cîya yê Parlamentoyî bi dest bikerê.”