STENBOL - Elîf Bayburt derheqê  rektorê qeyûm Nacî Încî ke unîversîteya Bogazîçî de bi qerarê  tedbîrê pawitişê bi sifatê ‘taqîbkerdişê bi israr yê mexdur’ ê qanûnê hûmara 6284ine esas gêno, girewtib de qisey kerd û vat: " Qanûno 6284in ê semedê cinîyê ke rastê şîdet û tehdîdî ameya krîtîk o, la seba pawitişê rektorê qeyûm ke dewamê îqtîdarî yê xebitnenê."

 

Wendekarê Bogazîçî hemverê tayînkerdişê qeyûman xover dabî, xoverdayîş kewt aşma 11ine. Qeyûm Nacî Încî ke tehemulê xoverdayîşî nêkerd, qanûnê 6284î semedê pawitişê cinîyan ney, semedê xo xebitna. Rektorê qeyûmî Nacî çarçeweya Qanûnê Hûmara 6284ine sey, ‘Qanûnê Derheqê Pawitişê Keye û Vernîgirewtişê  Şîdetê Serê Cinîyan' de bi sifatê ‘mexdurê taqîbkerdişê bi israr’ de derheqê 14 wendekaran de qerarê tedbîrê pawitişî girewt. Qerarê tedbîrî do aşmêk derbazdar bo û rewşa wendekarî qerar binpê bikerê do cezaya zîndanî bêro dayîş. Wendekara Unîversîteya Bogazîçî Elîf Bayburt vat, qanûn semedê cinîyan bêro xebitnayîş la semedê qeyûmî ameyo xebitnayîş.

 

'Qanûn semedê qeyûm yeno xebitnayîş'

 

Elîfe wina vat: "Îqtîdar semedê cinîyan nê nêxebitneno û hewl dano ke vernîya têkoşînê cinîyan bigîro. No qanûn semedê cinîyan rastê şîdetî ameyê xeylêk krîtîk o. La çi heyf semedê rektorî qeyûm kenê dewre. No mudaxaleyê vernî yê hemverê wendekran nîyo. Destpêk ra ceza danê wendekaran, destbend kenê, şîdet kenê. Nê wendekaran ra yew zî ez a. Îqtîdar bi nê caardişan hewl dano ma bitersno. La xoverdayîşê ma do her wext xurt bo."

 

'Hemverê cinîyan de teda esta'

 

Elîfe dewam de wina vat: "1ê temmuze de zî 8ê Adare de zî ma sey Paştdayîşê Bogazîçî pankart akerd. La qanûnê hûmara 6284 bi no hawa xebitnenê, bi nê zî hewl danê ke vernîya têkoşînê cinîyê ciwanan bigîrê. Xoverdayîş de xeylêk vejîyayê vernî. Pêwa cezaya zîndanî çalakîyan de cebheyê vernî de bî. HEmverê cinîyan tedayê îqtîdarê sîyasî zaf zêde yê."

 

'Ganî cinî vengê xo hemverê qerarî berz bikerê' 

 

Elîfe tewr peyîn wina vat: "Vanê ka veng yeno vetiş yan ney. Eke nêro ez o caardişan dewam bikerî. Semedê nê ganî ma bi hawayêke xurt vengê xo vejê û berz bikerê. Ganî ma vajê ma nê qeraran nas nêkenê. Tu wext cezayê ke ameyê dayîş vernîya têkoşînê ma nêgirewtê. Têkoşînê ma do her wext dewam bikero."