ŞIRNEX - Cenazeya HPGyîje Hedîye Balur dimayê 189 rojan teslîmê keyeyî ameye kerdiş.

 

HPGyîje Hedîye Balur ke Koyê Bagokî qezaya Nisêbînî ya Mêrdînî, de mabêne 7-8’ê Gulane de, netîceyê pêrodayîşî de bi 5 HPGyîjan dir dinyaya xo bedilnabî.  Cenazeyê 5 HPGyîjan dimayê ke nasnameyê înan ame tespîtkerdiş, teslîmê keyeyê înan amebi kerdiş. La cenazeya Hedîye Balur, teslîmê keyeyî nêamebi kerdiş. 

 

Dimayê muracatê keyeyî cenaze morgê nêweşxane de ameyîne vindarnayîş ke tena 450 gram parçe mendibi teşhîs kerdibi. Dimayê ke netîceyê testê DNAyî yê cenazeya Hedîye teslîmê keyeyî nêkerdî. Dimayê 189 rojan dima cenazeya Hedîye teslîmê keyeyî kerdî.

 

Keyeyê Hedîye, cenazeya kênaya xo Goristanê Bêkesan ê Mêrdînî ra girewtî û ardî Goristanê Şêx Hesen ê qezaya Hezexê Şirnexî. Polîsan bi wesayîtê zirxî goristan kerdî binê ablûqa. Îdarekarê HDPyî yê Hezexî û bi seyan kesê ke tewrê definkerdişê cenaze bî hetê polîsan ra ameyî astengkerdiş. Girse, astengîya polîsan nasnêkerd û derbasê goristanî bî. Cinîyan cenazeya Hedîye ambûlanse ra girewtî û ardî goristanê ke do bêro definkerdiş.   

 

Keyeyê Hedîye, definkerdişê cenazeya kênaya xo de wina vat: "Ti bi xêr ameya Kurdistan, Şehîdî Nêmirenê” pêşwazî kerd. 

 

Dimayê definkerdişê cenaze, girse vila bi.