MERKEZÊ XEBERAN - Silêmanî, Hewlêr, Koyê û Qeladizî de wendekarî bi girseyî vejîyayî meydanan, waştişê heqê xo kerdî.

 

Wendekarê Wendegehê Amadeyî yê tewrê imtihanê unîversîte bî û dimayê netîceyê înan eşkera bi û dima ra Silêmanî, Hewlêr, Koye, Qeladiz û Germiyan de vejîyayê meydanan û waştî ke Wezaretê Wendişî problemanê înan safî bikero.

 

Dimayê ke imtihanê wendekarê Wendegehê Amadeyî xelas bî, netîceyê wendekaran serê înternetî de ameyî vilakerdiş. Wendekarî semedo ke goreyê ke waştêne beşê înan nêame dayîş, 4 rojî yo kuçeyan de heqê xo wazenê.

 

Silêmanî

 

Wendekarî ewro verê berê îdarekarîyê Perwerdeyî yê Rojawanê Silêmanî de kom bî û heta verê berê awanîya Unîversîteya Newe ya Qalîsan rayrayîş kerdî. Wendekarî rayîr . trafîk rê padayî û waştî wezîfedarî problemê înan safî bikerê.

 

Hewlêr 

 

Hewlêr de zî wendekarî bi eynî amancî verê berê awanîya Wezaretê Wendişî yê Berzî kombî û waştişê heqê xo kerdî.

 

Koyê

 

Koyê de zî wendekarî rayîr trafîk rê padayî. Wendekarî çalakîyê xo de vanê, ê qerarê Wezaretê Wendişî  red kenê û waştî ke problemî bêrê safîkerdiş.

 

Qeladiz 

 

Sewbîna merkezêk bîn de zî wendekarî vejîyayî meydanê  Qeladizî. Wendekarî bi eynî amancî  mîyanê Baxê Pêroyî de çalakîyêk kerdî û rayîrê sereyîn ê Qeladizî trafîk rê padayî.