Derya Ren

 

RIHA - Berîtan Aslantekîn prosesê xoverdayîşê Kobanî de keyeyê aydê kalê xo yê dewe açarna Muzeya Şehîtlîk ê Arîn Mîrkan û Kitabxaneyê Kader Ortakaya û vat, ganî çîyê ke ameyê ciwîyayîş nêrê xovîrrakerdiş.

 

DAIŞ ke bi paştdayîşê hêzê herême û global Iraq û Sûrîye bi deshezaran kes qetil kerd, 2014 de Kobanê bi xoverdayîşê pîl ê şarê Kurdî û şarê herême hemverê DAIŞî bi ser kewt. DAIŞ Kobanê de vînî kerd û Kobanê sey sembolê cuya hempar, têduşt û azad bi nameyê xoverdayîş û paştdayîşê enternasyonal. Kobanê bi rayberîya Yewîneyê Pawitişê Cinîyan (YPJ) û Yewîneyê Pawitişê Şarî (YPG) ame azadkerdiş. Xoverdayîşê Kobanê dinya de veng da û xeylêk cayê dinya hetê namdar û roşnvîran de 1ê teşrîna peyêne Roja Kobanê ya Dinya ame îlankerdiş.

 

Wextê Kobanê de xoverdayîş û hêrişan dewam kerdêne, qezaya Pirsûsî de nobete ameyîne girewtiş.  Yew dewa ke nobete ameyîne girewtiş, dewa Miseynter bî. Berîtan Aslantekîn a 12 serrî bi paştdayîşê kesê uca tewrê nobete bîbî, 2015 de keyeyê herre yê kalê xo yê dewe vurna Muzeyê Şehîtlik ê Arîn Mîrkan û kitabxaneyê Kader Ortakaya. Berîtane fotografê dedê xo Emîn Aslantekîn ke 1993ine de bi 6 embazanê xo dir pêrodayîşêk de dinyaya xo bedilnabi zî muzeyî de bi ca kerd.

 

Berîtane nika 18 serrî ya û çîyê ke o wext ameyî ciwîyayîş û derheqê 1ê teşrîna peyêne Roja Kobanê ya Dinya de qisey kerd.

 

'Semedê mi serberzîyêk pîl o' 

 

Berîtane dîyar kerd ke muze bi paştdayîîşê kesê ke prosesê Kobanê de ameyê tîya viraşta û vat: "Mi fotografê dedê xo zî bi ca kerd. No semedê mi serberzîyêk pîl o. Wexto ke dedê mi dinyaya xo bedilna, ez çinî bîya. La demo ke mi fotografê ci muze de bi ca kerd, sey newe nas bikerî. Na muze sey bi gonîya şehîdan ameya viraştiş. Ma muze hemverê her tewir hêrişî pawit. Dima ra leşkeran eşt serê dewe û ma zî bi endîşeyê ke do zirar bidê muze heme fotografan wedarna. Wexto ke ma wedarna ez zaf bihîs bîya."

 

Berîtane vat, başo ke dedê ci têkoşîn de ca girewto û vat, dedê ci û 6 embazê ci keyeyê ke ciwîyenê de dinyaya xo bedilnayê û wina dewam kerd: "Her quncikêk nê keyeyî vîrardişêk esto. Keyeyê ke ma ciwîyenê, xeylêk çî ameyî ciwîyayîş. Goreyê keyeyê  serdegirewtişêk pîl uca de beno. O wext demo ke dedê mi Emîn û 6 embazê xo dinyaya xo bedilnayî. Semedê nê her ke şina zere bi hîs bena. Seke ma dir ciwîyenê."

 

Ganî Kobanê nêro xovîrrakerdiş 

 

Berîtane tewr peyîn de wina vat: "1ê teşrîna peyêne semedê mi zaf girîng o. Muzeya ma viraşt yen avîrê mi. Bi kelecanê ke xoverdayîşê Kobanê da mi, ma uca de viraşt. Ez vana werrekna hema na muze bibayîne, her serre mi 1ê teşrîna peyêne de ziyaret bikerdêne. Pêwa hende dem derbaz bi, çîyê ke derbaz bî çîyê ke ameyê ciwîyayîş nînê xovîrrakerdiş. Semedê çîyê ke bêrê xovîrrakerdiş nîyê. O wext ma sînor de bî. Bomba ameyîne eştêne. Merdiman dinyaya xo bedilnayî. Çîyêk destê ma ra nêameyîne. La ma morelêk pîl dayîne kîşte bîne. Nika 1ê teşrîna peyêne yeno. Werrekna ma na muze reyna awan bikerdêne. Kesî a roje nêkerda xo vî ra. Kobanê wina asan nêame azadkerdiş. Uca de xeylêk kesî dinyaya xo bedilnayî."