MERKEZÊ XEBERAN - Pispora Beşê Welidnayîşî û Nêweşîyê Cinîyan Dr. Ruhnaz Yilmaz dîyar kerd ke wextê derbazbîyayîşê menopoz û dimayê ci vurnayîşê beden û psîkolojîk yenê ciwîyayîş û vat, nê caardişê egzersizan xeylêk girîng o.

 

Menopoz bedenê cinîyan de, beno sebebê vindarnayîşê hakan û bi nê dir zî berardişê tay hormonan vindeno,, regl zî bi pêroyî yeno birnayîş. Derheqê babete de Pispora Beşê Welidnayîş û Nêweşîyê Cinîyan Dr. Ruhnaz Yilmaz qisey kerd û bale ant serê problemê demê menopozî.

 

Kengê dest pêkeno merdim nêzano

 

Ruhnaz Yilmaz dîyar kerd ke yew nîşaneyê tewr zêde yeno vînayîş menopoz de no yo; sey berê regl zêde nîno vînayîş, bê sîstem yeno vînayîş û beden germ beno û vat: “No nîşane bi pêroyî 4 serrî vernîya menopozî dest pêkenp. Xêrcê nê, xerabîyayîşê hewnî, tengbîyayîşê ruhî û zêdebîyayîşê kîlo yo.”

 

‘Her nêbîyayîşê regl menopoz nîyo’

 

Ruhnaze dîyar kerf ke menopozo normal mabêne emrê 40-45 de yo û got vernîya emrê 40 nêbîyayîşê reglî, seba qelsîyê hakan o. Sewbîna ereykewtişê reglî û germbîyayîşê bedenî nîşaneyê menopozî yê, beno ke semedê nêweşîyê bînî zî bê û nê prosesî de qetî kontrolêk jînekolojîk bêro kerdiş. 

 

‘Egzersîz lazimîyê sereyîn o’

 

Ruhnaze dîyar kerf tay çimeyî vanê ke egzersiz germbîyayîşê bedenî kêm keno û vat: “Dimayê menopozî kîlogirewtiş zêde beno, helnayîşê esteyan lez beno. Egzersiz her çiqas germbîyayîşê bedenî kêm nêkero zî, semedê weşîye ruh û beden xeylêk girîng o. Gernayîşê gonî lez keno, vernîya kîlo girewtişî gêno, vernîya helnayîşê esteyan gêno.”

 

Ruhnaze dîyar kerd tay nîşaneyî bibê zî goreyê cinîyan no vuryeno û merdim nêzano key menopoz dest pêkeno û vat: “Goreyê hîn testê roja hîrên ê regl de yeno kerdiş hîn fikr bêrê dayîş la no zî zêde bawerî nêdano. Semedê nê zî cinîyê ke diganeyî nêwazenê heta ke reglê înan temam nêbo ganî xo bipawê.”