Medya Uren

 

MÊRDÎN - Heyat A. hemverê TOKÎyê ke serê hafizayê komelî de yenê awankerdiş, reaksîyon ramojna û dîyar kerd ke şarî mecbûrê TOKÎyan verdenê û wina vat: "TOKÎ serê gonîya ma de ameyî awankerdiş.”

 

Dimayê qedexeyê tebervejîyayîşê kuçeyan ê Nisêbînî ame îlankerdiş dimayê rantî TOKÎ kewtî falîyet. Bi TOKÎyê ke semedê îktidarî sey berê rantî yê ame waştiş ke demografîyê bajarî bêro vurnayîş û komel bê hafiza bêro verdayîş. Nisêbîn wayîrê tarîxêk kanî yo. Ci ra 'Bajarê Gulê Sipî' zî yeno vatiş. Labelê dimayê viraştişê TOKÎyan bajarê kanî de çîyêk nêmend. Bajarê gulan kerdî bajarêke bi beton. Welatiyê ke mecbûrê TOKÎyan ameyî verdayîş nêrazîbîyayîş û gerreyê xo vera nê ardî ziwan.

 

‘Binê TOKÎyan de şehîdê ma estê’

 

Z.K. dîyar kerd ke înan nêwaştêne TOKÎyan de roşê la mecbûr ameyê verdayîş û vat: “Binê nê TOKÎyan de hema cenazeyê şehîdanê ma estê. Mi heta peynî xo ver da semedo ke TOKÎyan de ninêşnî ro. La mi nêeşka biqedinî. Keyeyê ma xira bî û me derzenêk zî xelas nêkerd. Gelo ez bişîne ça? Tutê mi estê, ez mecbûr ameya TOKÎyan. Heme welatijê ke ameyê TOKÎyan sey min ê. Kesê feqîrî tîya yê. Hewarê mi Homayî rê oyo ke înan rê nêverdo. No hêriş heme hêrişan ra xirabêr o.”

 

‘Ma mecbûr û feqîrî ra kewtî TOKÎyan’

 

Heyat A. (50) zî yew nê welatijan ra ke keyeyê ci xirakerdî û nika mecbûr mendê ke TOKÎyan de bimano wina vat: "Keyeyê ma verê çimanê ma de rijnayî. Keyeyê ke qet zirar nêdêbî zî ameyî rijnayîş. Nê dir waştî komelê ma, omidê ma zî birijnê. Ma mecbûr mendî şî verê merdimanê xo. Ma ameyî mîyanê bajarî ma keye kîra kerd. Mêrdeyê mi zî verê partî de çay vila kerdêne û uca de krîzê qelbî derbaz kerd û dinyaya xo bedilna. Ez û tutî xo tena bî. Kar çinbi, hetê ekonomî de her ke şîne ma tengîyê pîl antêne. TOKÎ ameyî viraştiş û vatî îmza bikerê ma do pereyê erdê şima zî bidê şima. Semedo ke ma nêkoyê TOKÎyan ma xo ver da. Labelê semedê feqîrî mecbûr mendî par îmza kerd û ma kewtî  TOKÎyan."

 

‘Wazenê sere de kulturê ma çin bikerê’

 

Heyate dewam de wina vat: "Ma şarê Nisêbînî tarîxê xo vernîya nika nas kenê. Şar bi yew û semedê yewbînan fedekartî kerdêne. Sereyê cîranê mi bidejîyayîne, yê mi zî pê dir dijayîne. Semedo ke ma hemine eynî dej antibi. Ma heme wayîrê eynî birînî bî, amancê ma zî yew bi. Semedê nê ma pîya xurt bî. La amanc nêvuryo zî şert û mercê ke ma ci de yê ma yewbînan ra dûr keno. Wazenê sere de kulturê ma çin bikerê. Semedê çinkerdişê ma zî rayîro tewr serkewte no yo. Ma kerdî nê awanîyan û sey metropolêk kes kesî nas nêkeno. Heta ma yewbînan ra tersenê zî."

 

‘Cinîyan awanîyan de heps kerdî’

 

Heyate wina qal kerd: "Ma kurd ê, no kulturê ma yo û ma do bipawê. Rexmê her çî zî, şert û mercî virazîyê zî ma do bipawê. Mabêne ma de dêsan berz kerdî, ma yewbînan ra nêvisîyayî. Demêk hemverê tenûranê ma yê ke ma waşt viraznê, nêwaştî. Labelê ma do wareyê xo yê cuye vera nêdê. Cinî reyke bîn heps kerdî. Hemsereka şaredarîya ma Ayşe Gokkan o wext semedê cinî bixebityê xeylêk îmkanî awan kerdî. La nika yew bi yew ê destkewtişê cinî destê înan ra ameyî vetiş. Ez bawer a ke do cinî bi têkoşînê xo serkewtişê bi dest bikerê."

 

Heyate tewr peyîn wina vat: "Cinî kulturê xo pawenê.  Tenûrê bi baheneyê ‘Viraştişê estetîk xira keno’ nêameyîne waştiş bêrê viraştiş, nika cayê kombîyayîşê cinîyan o. Cinî tîya kom benê, yewbînan nas kenê û têkiliyê xo xurt kenê."