AMED - Roniştişê Vervatoxa Demî ya TJAyî Ayşe Gokkan ame vînayîş de dadgehe 30 serrî ceza da Ayşe û qerarê dewamîya tepiştîşî da.

 

23in roniştişê dewaya Vervatoxa Demî ya Tevgerê Cinîyan ê Azadan (TJA) Ayşe Gokkan ke bi îdiayê "îdarekarîyê rêxistine","endamîya rêxistine" amebi akerdiş 9in Dadgeha Cezaya Giran ya Amedî de ame vînayîş. Avûkatanê Ayşe, Berfin Gokkan, Ozum Vurgun û Muharrem Şahin beşdarê roniştişî bî. Cinîyê femînîst yê azad, TJA, Komeleya Cinîyan ya Rosayî, parlamenterê Partîya Demokratîke ya Şaran (HDP) Remzîye Tosun û Nuran Îmir semedê paştdayîşî eywanî bî. 

 

Ayşe demê kewt eywanê roniştişî nîşanê serfîrazî kerd û silam da cinîyan.

 

Ayşe û avûkatê xo bi kilmî sebebê xo dîyar kerdî û dayî zanayîş ke pawitiş nêkenê.

 

Dimayê mabêna kilmî de dadgehe 30 serrî cezaya zîndanî da Ayşe.