MÊRDÎN - Heyetê dadgehe semedê 5 rojnamegeran bi temamî 8 kesê ke demê çalakîyê hemverê qeyûmê Mêrdînî de amebî destbendkerdiş û dewa înan rê amebî akerdiş, qerarê beratî da.

 

Dimayê 19ê Tebaxa 2019î qeyûm tayînê şaredariyê Mêrdîn, Amed û Wanî amebî kerdiş, 20ê Tebaxa 2019 de Mêrdîn de çalakîya hemverê tayinkerdişê qeyûman amebi kerdiş. Hêrişê hemverê çalakî de muxabira ma Rojda Aydin, Rojnamegere Nûrcan Yalçin, Halîme Parlak û muxabirê Ajansê Mezopotamyayî (MA) Ahmet Kanbal û Mehmet Şah Oruç sewbîna Mehmet Ete, Hamza Ete û Selim Şimdi amebî destbendkerdiş û dimayê 7 rojan amebî veradayîş. Cipersayîşê bi idiayê "endamîya rêxistine" de derheqê 8 kesî de qerarê bêtaqîbkerdiş amebi dayîş û dewaya ameye akerdiş de dozgerî mutalaayê xo eşkera kerdibi.

 

Ewro zî 1in Dadgeha Eslî ya Mêrdînî de dewaya 8 kesan ameye vînayîş. Qerarê dozgerî yê mutalayî ame tesdîqkerdiş û 8 kesî ameyî beratkerdiş.