MERKEZÊ XEBERAN - Belgeselê bi nameyê ‘Hêza’ serra 2019 de dîmenê ci Reqa, vakur û rojhelatê Surîye û Şengalî de ameyê girewtiş û mîyanê serrêke de temam bîyo.

 

Belgeselê ‘Hêza’ hîkayeya cinîyêke Êzidije ke hetê çeteyê DAIŞî ra yena remnayîş, dima ra xo destê DAIŞî ra xo xelasnena. Şengal de bena fermandarêke YJŞ û semedê heyfgirewtişê komelê Êzidî şina Reqa û vera DAIŞî şer kena. No belgesel do demêk nêzdî de bêro vilakerdiş.

 

Belgesel serê hîkayeya cinîyêka  Êzidî ke 3yê Tebaxa 2014 de Şengal de pêwa 24 endamê keyeyê xo hetê çeteyanê DAIŞî ra yena remnayîş. Çeteyê DAIŞî aye benê Reqa û uca de xeylêk rastê kerdişê xirab yê çeteyan yena. Xeylêk rey hewildayîşê întîxarî kena la nêmirena. Aye dima ra Reqa de bi rayîrê keyeyêk Kurdî xo xelesnena. Serra 2015 de reyke bîn yena Şengal û bena yew fermandara YJŞyî.

 

Serra 2016 de sey fermandara YJŞî şina Reqa û tewrê operasyonê vera çeteyanê DAIŞî bena. Dimayê ke xelafetê DAIŞî Reqa ra yeno rijnayîş, serdayîşê keyeyê Kurd ke wexto aye DAIŞ ra xelasnayî kena.

 

Derya Deniz rejîsorîyê belgeselî kerda, muzîkê ci hetê Mehmud Berazî ra ameyo amadekerdiş. Heto bîn ra montaj û fotografgirewtiş zî hetê Şaristan Mahîr, Aza Boran, Afat Baz û Îbrahîm Sedî ra ameyo kerdiş.

 

Belgesel temam bîyo, fragmanê belgeselî ame vilakerdiş. Do vernîya ma de tewrê festivalê filmê mîyandewletî bibo û dima ra bêro vilakerdiş.