Asmîn Hêlîn

 

ŞEHBA - Endama Heqê Merdiman ê Herêma Efrînî Nayele Mihemed dîyar kerd ke Efrîn de îmkanê cuye çin o û vat: "Destpêkê dewleta dagirker a tirkî de dekewtişê Efrînî heta nika bêmabên binpaykerdişê heqan, kerdoxan, talan û remnayîşê dewam kenê. Bi vurnayîşê demografîk, waştişê fîdyeyî semedê kesê yenê remnayîş, tirakerdişê darê zeytûnan yeno waştiş îradeyê merdiman bêro şikinayîş."

 

Dimayê 18ê Adara 2018 de dewleta tirkî û komê girêdayê ci Efrînî kerdî binê kontrolê xo dima hizûr û asayîşê Efrînî peynî bi û binpaykerdişê heqê merdiman bêmabên dewam keno. Semedê kok û bingehê komelîyê tewr zêde ê hedef yenê girewtiş. Serê kerdoxê destpêkê dewleta tirkî Efrîn kerd binê kontrolê xo û heta nika Endama Heqê Merdiman Herêma Efrînî Nayele Mihemed qisey kerd.

 

'Hêriş û îşkenceyê hemverê îradeyê cinîyan ê Efrînî dewam keno'

 

Endama Heqê Merdiman ê Herêma Efrînî Nayele Mihemed wina vat: ''No demêkê yo Efrîn de meclîsêk herêmî ameyo awankerdiş. Serê bangewazîyê vnê meclîsî, şarê Efrînî agêrayî Efrîn la yew zî nêeşka derbazê dewa xo bibo. Kesê ke waştî derbazê dewa xo bibê ameyî remnayîş û heta nika hîn vînîbîyayeyê û nînan ra xeylêk zî cinî yê. Wazenê cinîyan bê îrade verdê. Demo ke Efrîn binê kontrolê Îdareekarîyê Xoser de bi, cinîyan her tewir xo birêxistin kerdibi. Heta nika her dem cinî ameyî remnayîş, desteştiş û tecawuz înan rê ame kerdiş. Cinî nika nêeşkenê keyeyê xo ra vejîyê. Nê cinîyan ra hîn zî; Ferîde Mistefa Arîn, Solîn Berekat, Rojîn û Îmayet ê. Vernê de ameyî tepiştiş û dima ra fîdye înan ra ame waştiş. Nika goreyê xeberê ke ma girewtê şaro ke agêrayo Efrîn, nika reyna Efrîn ra vejêno. Semedo ke îmkanê cuye semedê înan çin o. Hêriş û îşkenceyê hemverê îradeyê cinîyan ê Efrînî dewam keno."

 

'Efrîn de îmkanê cuye çin o' 

 

Nayele dewam de wina vat: "Nika seba pereyê çeteyan kêm bîyo her tim mîyanê pêrodayîşî de yê. Bi taybetî zî çeteyê bi nameyê "El Hemzet" yê girêdayê dewleta tirkî ya dagirker û Sultan Murad pîya kewenê. Rojane serebûtê lêşin û kayan organîze kenê. Nika Efrîn de xeylêk serebûtî yenê kerdiş, la semedo ke nê zanayîşî yenê nimitiş, zêde merdimî pê nêhesênê. Menga derbaz bî semedê agêrayîşî şarî vengdayîş amebi kerdiş labelê eşkere bi ke no kay o û heta nika îmkanê cuye Efrîn de çin o."

 

'Dizdî û talan Efrîn de dewam keno'

 

Nayele tewr peyîn wina vat: "Efrîn de her roje teqayîş û pêrodayîşî mîyanê çeteyan de dewam kenoç  Talankerdişê mal û milkê roniştoxê Efrînî dewam keno. Komê çeteyê ke nika Efrîn de ciwîyenê merdiman remnenê û fîdye înan ra gênê. Semedê nê ma sey pawitoxê heqê merdiman heme sazgehê pawitoxan ra vanê, şêrê Efrîn de cigêrayîş bikerê. Bi taybetî vengdayîşê mi semedê rêxistinê heqê merdiman û komîteyê cinîyan ê dinya esto. Wa şêrê rewşa cinîyan ê Efrînî bipersê. Semedê rewşa Efrînî de xeylêk serebûtî yenê nimitiş û ganî nê bêrê eşkerakerdiş."