ÎZMÎR - Roniştişê dewaya 24 cinîyê ke semedê reqsê Las Tesis yenê muhakemekerdiş, seba qerarî ameye taloqkerdiş.

 

Qezaya Alsancakî ya Îzmîrî 15ê kanûna 2019 de cinîyan bi reqsê Las Tesis hêrişê serê cinîyan protesto kerdî. Derheqê 24 cinîyan de bi îdiayê “muxalefetiyê hemverê  qanûnê kombîyayîş û rayrayîşê nawitişî" û “qijvistişê sazgeh û organê dewlete” dewa înan rê amebî akerdiş. Roniştişê 5in dewa 7in Dadgeha Cezaya Asliye ya Edliyeyê Bayrakliyê Îzmîrî de ameye kerdiş. Avûkat û temsîlkarê rêxistinê cinîyan, dewa taqîb kerdî. Dadgehe semedê qerarê dewa bido, roniştiş  taloqê 31ê adara 2022yîne kerd.