RIHA - Keyeyê Şenyaşarî 225 rojî yo çalakîya xo ya 'Nobeta Edaletî' dewam kenê û ewro zî waştişê edaletî kerdî.

 

Emîne Şenyaşar û lajê xo Ferît Şenyaşar ke 9ê adare de, semedê ferdê keyeyê xo yê ke hetê merdim û pawitoxê Parlamenterê AKPyî yê Rihayî Îbrahîm Halîl Yildiz ra amebî qetilkerdiş, verê Edlîyeyê Rihayî de Nobeta Edalatî dayî destpêkerdiş,  roja 225ine de nobeta xo dewam kerdî. Saetê serê sibayî de keyeyî verê edlîye de û "Quncikê Edaletî yê Keyeyê Şenyaşarî" bi dovîzê "Ma tena edalet wazenê" dest bi nobeta xo kerdî.

 

Keyeyî ser hesabê xo yê medyaya dîjîtalî de zî hesabê Meclisî, Komîsyonê Heqê Merdiman ê Meclis û Heyetê Pêroyî yê Meclisî etîket kerd û nê pare kerd: "Dayîkêke 225 rojî yo, verê Edliyeyê Rihayî de roniştî ya û pabeyê edaletî ya. '286 parlamenterê' ke hewarê dayîke rê bêveng ê û çapamenîya ke binê tedayê sîyasî de wa merdimayîyê xo cipersayîş ra derbaz bikerê."