MERKEZÊ XEBERAN - Derheqê weçînayîşê parlamentoyê Iraqî Platformê Yewîya Cinîyê Kurdî dîyar kerdî ke ê weçînayîşê 23 cinîyê kurdî û heme parlamenterê Kurdistanî piroz kenê û vatî, ê semedê nê serkewtişî kêfweşîyê xo pare kenê.

 

Platformê Yewîya Cinîyê Kurdî serê weçînayîşê 23 cinîyê kurdî ke weçînayîşê parlamentoyê Iraqî de mesajêk kilm pare kerd. Mesaj de cinîyê ke ameyî weçînayîş, ameyî pîrozkerdiş û ame vatiş ke hêvî û bawerî oyo ke cinîyê kurdî serê her çar parçeyan de bibê yew û bi hêzê cinîyan vengê kurd û Kurdistanî berz bikerê.

 

Platformê Yewîya Cinîyê Kurdî dewamê mesajê xo de wina vat:

 

"Serê her çar parçeyê Kurdistanî de rol û mîsyonê cinîyan ê kurdan roj bi roje aver şino. Rojawan ra heta rojhelatî ra vakur heta, başûr cinîya kurdî bîya sembolê têkoşinê azadîye. Êdî Kurdistan de û dinya de baş yena zanayîş ke hêzê cinîyê kurdî hêzê vurnayîşê Rojhelatê Mîyanên o. Cinîyê kurdî her wareyî de vengê xo berz kerdê, komelî de rengê xo mojnenê ra. Hêvî û bawerîya ma aya ke hêzê cinîyê kurdî yew bibê. Ma hêvî kenê cinî mîyanê çar parçeyan de vengê kurdî û Kurdistanî berz bikerê.

 

Hêvîya ma aya ke amancê înan ê yewin bibê yewîya cinîyê kurdî. Ma semedê cinîyê bi hîsê kurdewarî têgêrenê serkewtiş wazenê. Ma sey Platformê Yewîya Cinîyê Kurdî serkewtişê parlamenterê cinîyan ê kurdan pîroz kenê."