RIHA - Nobeta Emîne û Ferît Şenyaşar verê Edlîyeyê Rihayî roja 218ine de ya. Keyeyî serê hesabê dîjîtalî de nê pare kerd: "Do miheqeq rojêke heqîqet vejîyo werte."

 

Nobeta Edaletî ya Keyeyê Şenyaşarî ke 3 ferdê ci hetê merdim û pawitoxê Parlamenterê AKPyî Îbrahîm Halîl Yildiz ra amebî qetilkerdiş, 9ê adare de dabî destpêkerdiş roja 218ine de dewam kena. Semedo ke pankartê roja 200yî de ame desterserkerdiş keye nobeta xo bêpankart dewam kenê. 

 

Keyeyî serê hesabê xo medyaya dîjîtalî de hesabê Serdozgerîya Komare ya Rihayî, Serekê Baroyê Stenbolî Mehmet Dûrakoglû û Heyetê Pêroyî yê Meclisî etîket kerd û nê pare kerd: "Rexmê nê bêedaletî ke verê edlîye de yeno kerdiş, her boyegirewtişê ma de hêvî esta. Her çiqas selahîyetdarê Edlîyeyê Rihayî nêeşnawê zî kesê ke eşnawenê û hîs kenê estê. Do heqîqet qetî rojêke vejîyo werte."