STENBOL - DADî ra Nergîze Guzel bale ant serê rexneyê sey HDP deklerasyon de ca nêdayo Elewîyan û vat, waştişê HDP û Elewîyan sey yewbînan ê û eşkenê deklerasyon bêro hîrakerdiş.

 

HDP 27ê êlule de deklerasyono ke 11 madeyan ameyîne meydan eşkera kerd. Na çarçewa de do heyetê HDPyî şêro serdayîşê partî û sazgehan. Belgeyê ke 11 made ra bi ca yeno mabêne cinîyan ê Elewîyan de yeno xebitnayîş. Her çiqas bêro rexnekerdiş ke madeyêk derheqê Elewiyan de deklerasyon de çin o zî îdarekara merkezê Pêroyî ya Komeleyê Elewî ya Demokratîk Nergîze Guzel dîyar kerd ke HDP her tim heme bawerî û şaran têduşt paweno û vat, belge eşkeno bêro hîrakerdiş.

 

‘Ma kêmî bivînê zî bi erj a’

 

Nergîze vat, belgeyî de nêbîyayîşê eşkerayîyêk derheqê bawerîyan de sey kêmî bêro vînayîş zî bi serran o Elewî zî sey HDPyî ciwîyenê û vat: “Derheqê aştî, xoza û ciwîyayîşî de Elewî zî bi serran o eynî çî vanê. Eke tîya ra bêro erjnayîş belkî qelsî bibo. Partîyêke 6 mîlyonî rayî girewta 2015 ra hetê îqtîdarî ra yena terorîzekerdiş û nêzdîyê 10 hezar endamê partîye nika tepişte yê. Hemverê nê rejîmê faşîst tu partîyêke muxalefetî heta nika belgeyêk wina pêşkêş nêkerf. No het ra ma rexne bikerê zî goreyê mi belgeyêk bi erj a.”

 

‘Eşkena bêro hîrakerdiş’ 

 

Nergîze wina dewam kerd: “ Elewî cuyêka azad û aştî wazenê. Ganî heme şarê ke hemverê rejîmê yew mêrdeyî eynî çî bîyarê ziwan. Ma belge qels bivînê zî pozîtîf a. Nê welatî de yewin bawerîya ke nîna qebûlkerdiş Elewitî ya. Semedê nê ganî belge de bibo. La belge bernameyêk partî nîya. Semedê nê rexnekerdişê ci zêde ca de nîyo. Belge rê hîn çî eşkenê bêrê zêdekerdiş û hîrakerdiş. Her çiqas problemê kurdan newe ra bêro munaqeşekerdiş zî partiyê muxalefetî pêşnîyazê çareserî nêkerdê û derheqê senîn bûro kerdiş de xerîtaya rayîrî nêameya eşkerekerdiş. Demo ke HDP ameyîne terorîzekerdiş de HDPyî belge eşkera kerd. Dem xeylêk ca de bi.”

 

HDP her tim têduşt nêzdî bîne

 

Nergîze tewr peyîn zî dîyar kerd, deklerasyon û mutabakatê Dolmabahçeyî semedê demokratîkbîyayîşê şarê Tirkîya bîyo û wina vat: “HDP hema zî semedê aştî

têkoşîn keno. Lazimîyê Tirkîya bi demokratîkbîyayîşî esto. Lazimîyê şaran bi têduştî esto. HDP nê prosesî gêno we. Lazimîyê her kesî bi cuyêka eşkenê bi hizûr biciwîyê esto.