ANQARA - Serrgêra Qirkerdişê Garî yê Anqara de verê Garî de çalakîya yadkerdişî ameye kerdene. Polîsan hêrişê çalakîye kerd û xeylêk kesî destbend kerdî.

 

Serrgêra Qirkerdişê Garî yê Anqara de ke hetê DAÎŞî ra amebi kerdene û 104 merdimî qirkerdiş de ameybî qetilkerdene, verê Garî de  çalakîya yadkerdişî ameye kerdene. Çalakîye pê deqayêkê rêzgirewtişî dest pêkerde. Polîsan meydanê Garî girewt binê ablûqa.

 

Polîsanê ke destê înan de lîsteyêke estbî vat ke keyeyanê qurbanan ra ber çew nêeşkeno bêro Garî. Koma 30 kesan naye ser o waşt xo biresna Hîrêrayîrê Ulaştirma. Polîsan hêrişê kome kerd, xeylêk kesî erdî ra kaş kerdî û destbend kerdî.