RIHA - Çalakîya 'Nobeta Edaletî' ya Keyeyê Şenyaşarî 216 rojî yo dewam kena. Mesajê ewro yê keyeyî wina yo: "Merdimî ameyê qetilkerdiş, werte de dewa çin a! Do no dewran wina dewam nêkero.”

 

Nobeta Edaletî ya Keyeyê Şenyaşarî ke 3 ferdê ci hetê merdim û pawitoxê Parlamenterê AKPyî Îbrahîm Halîl Yildiz ra amebî qetilkerdiş, 9ê adare de dabî destpêkerdiş roja 216ine de dewam kena. Emîne Şenyaşar û lajê xo Ferît Şenyaşar, semedê peynîya hewteyî çalakiya xo keyeyê xo yê qezaya Rihayî Pirsûsî de dewam kenê.

 

Keyeyî serê hesabê xo yê medyaya dîjîtalî de nê pare kerd: "Qet gumanê mi çin o ke do edaletê îlahî cayê

xo bivîno! Beno ke edaletê dinya bêro derbazkerdiş la do qetî do rojêke bi ca bêro. 3 merdimî ameyê qetilkerdiş, werte de dewa çin a! Do no dewran tim wina dewam nêkero.