RIHA - Emîne û Ferît Şenyaşar nobeta xo ya edaletî ya verê Edlîyeyê Rihayî de dayê destpêkerdiş, roja 215ine de dewam kena. keyeyê Şenyaşarî roja 215ine Nobeta Edaletî de vat: "Şima do nêeşkê serê qirkerdişê Nêweşxaneyê Dewlete binimnê."

 

Nobeta Edaletî ya Emîne û Ferît Şenyaşar ke 9ê Adare de verê Edlîyeyê Rihayî de dest pêkerdê, 215ine de dewam kena. Semedo ke ewro peynîya hewteyî ya û edlîye padaye yo, keyeyî banê xo yê Pirsûsî de nobeta xo dewam kerd. Keyeyî serê hesabê medyaya dîjîtalî de wina pare kerd: "Dinya de tu ale çin a ke serê nêheqî pa bido. Ale erja hempar a. Şima do nêeşkê qirkerdişê Nêweşxaneyê Dewlete binimnê."