RIHA - Emîne û Ferît Şenyaşar ke çalakîya xo ya "Nabeta Edaletî" dewam kenê nê mesajî pare kerdî: “Pankartê ma 14 rojî yo dest dîyayo ser, dayîka mi vernîya edlîyeyî de ya, ez zî pêvînayîşê birayê xo yê 3 serrî yo ke Xarpêt de bi hawayêko bêhuqûqî yeno tepiştiş de ya. Edalet ça de yo dîyar nîyo!”

 

Çalakîya “Nobeta Edaletî” ya keyeyê Şenyaşarî verê Edliyeyê Rihayî de roja 214ine de dewam kena. Semedo ke Ferît Şenyaşar şi pêvînayîşê birayê xo, Fadil Şenyaşar ke 3 serrî zêdeyêr o Zîndanê Xarpêtî de hucreyê yew kesî de yeno tepiştiş, Emîne Şenyaşar ewro tena sereyê xo nobete da destpêkerdiş. 

 

Keyeyî serê hesabê xo yê medyaya dîjîtal de wina pare kerd: “Têkoşînê ma yê edaletî 214 rojî yo dewam keno. Pankartê ma 14 rojî yo dest dîyayo ser, dayîka mi verê edliye de ya, ez zî (Ferît Şenyaşar) pêvînayîşê birayê xo yê 3 serrî yo Xarpêt de bi hawayêk bêhiqûqî yeno tepiştiş de ya. Edalet ça de yo dîyar nîyo!”