MERKEZÊ XEBERAN - PDKyî bi bahaneya weçînayîşê Iraqî xîret kerd ke 2ê teşrîna verêne de hêzanê xo yê çekdaran Şengal de ca bikero. Yeno vatiş ke PDK wazeno peymana 9ê teşrîna peyêne ya 2020î bivisno dewre.

 

PDKyî bi bahaneya weçînayîşê Iraqî xîret kerd ke 2ê teşrîna verêne de hêzanê xo yê çekdaran Şengal de ca bikero. Yeno vatene ke PDK wazeno peymana 9ê teşrîna peyêne ya 2020î bivisno dewre.  Selahîyetdarê Şengalî vanê ke PDK wazeno derbazê mîyanê şaristanî bino û baregehê leşkerî tede virazo. Goreyê agahî û dîmenanê ke Şengalî ra ameyî parekerdene  şaristan de rewşa îstîsnayîye esta. Şarê Şengalî ver bi noqtayanê Asayîşî û Meclîsanê Şarî herikîyeno.

 

Têgêrayîşê Azadîya Cinîyan ê Êzidîyan (TAJÊ) ra Riham Hesene derheqê cehdkerdişê dekewtişê Şingalî yê PDKyî de wina vat: ''3ê tebaxa 2014î de bi îxanetê hêzanê PDKyî DAÎŞî hêrişê Şingalî kerd. Fermanêk vera komelê êzidîyan ame kerdene. Nê fermanî de bi hezaran cinîyê êzidîyî ameyî qetilkerdene û kewtî destê DAÎŞî û qirkerdişê cinîyan ê êzidîyan ame kerdene. Nê pêroyî netîceya îxanetê PDKyî bîyî."

 

Şengalijî nuqtayanê asayiş û Meclisê Şarî ver de arê bîyî û xo kerdî qelqanê ganî.