MERKEZÊ XEBERAN - Êzidî hemverê planê PDKyî semedê caardişê pêkerdişê 9ê teşrîna verêne meclîsê şarî û nuqteyê asayîşê Êzîdxanî. Nika şar hemverê hewldayîşê derbazkerdişê hêzê çekdarî nuqteyê asayîşî de kom bîyê.

 

PDK bi hemkarîya Iraqî hewl dano ke serê nameyê weçînayîşî de pêkerdişê 9ê teşrîna verêne yê Bexda-Hewlêrî Şengalî ser o ferz bikero. Pêwa pêro nêrazîbîyayîşî şarê Şengalî zî PDK wazeno hêzê çekdarî derbazê mîyanê Şengalî bikero û baregehê xo herême de akero.

 

Goreyê zanayîşê Îdarekarîyê Xoserî, PDK hêzêko zêde nêzdîyê Şengalî kom kerdo û wazeno reyke bîn hewl bido bikewo mîyanê Şengalî. Îdarekarîya Xoser û TAJÊ şewe bîn eşkerayîyêk lezgînî veng da şarî û waştî reyke bîn planê PDKyî yê werte ra wedaritişê Îdarekarîyê Xoser veng vejê.

 

Şarê Şengalî sey hewldayîşê 2yê teşrîna verêne ewro serê vengdayîşê Îdarekarîyê Xoser û TAJÊ meclîsê şarî û nuqteyê asayîşî de kom bî.

 

Nê saetan de pêwa kombîyayîşê meclîsê şarî, û şar nuqteyê asayîşî yê Komelgehê Guhbel û serê rayîrê Tirbika yê mabêne Sinûnê û Rabîayî de kom bîyê û xo semedê pawitişê Şengalî kerdê qalxan.