MEXMÛR - Wargehê Multecîyan ê Mexmûrî pêşdibistanê serdemê perwerdîyî yê serra 2021 - 2022 dest pêkerd.  

 

Wargehê Multecîyan ê Şehîd Rustem Cûdî (Mexmûr) pêşdibistanê serdemê perwerdîyî yê serra 2021 - 2022 dest pêkerd. Serra 2002 de bi hawayekê fermî wargehê 5 mektebî amebî akerdiş û na serra newe ya wendişî de her 5 pêşdibistan zî ameyê akerdiş ke do pêroyî 200 tutî  uca de bêrê perwerdekerdiş. Nê pêşdibistanan de perwerde seatê sibayî de dest pêkeno. Tutê ke bi dayikê xo dir semedê perwerdî ameyî hetik ra bi kelecan bî û hetik zî seba ke reya ewil o dayîkanê xo ra visyayîne xemgîn bî.