ÎZMÎR - Turnûvayê Fînalê ke semedê vîrardişê Denîz Poyraz ame kerdiş de Poyrazspor bi şampîyon. Dayîka Denîze, Fehîme Poyraz spasîyê kesê ke beşdarê turnuvayî bî kerd.

 

Meclîsê Ciwanan ê Partîya Demokratîke ya Şaran (HDP), semedê vîrardişê Denîz Poyraz ke bînaya Îzmîrî ameye qetilkerdiş, çarçewaya Kampanyaya bi sloganê "Torra girêdayîşî qul bike” ame destpêkerdiş de turnuvayê futbolî dabi destpêkerdiş. Turnuvayê ke ame destpêkerdiş bi maçê turnuvayê fînalî peynî bi. Fînalo ke sahayê futbolî yê Bucayî de ame kerdiş Denîz Firatspor û Poyrazspor ameyî vera yewbînan. Pankartê bi sloganê sey, "Serê sofreyê tîjî de serê rayîrê Denîze de", "Denîzêke şêro do hezar Denîze bêrê”, "Ma do kaleyê xoverdayîşî nêkerê wargeha ciwanê ke mezgê înan ameyo pûçkerdiş" ame akerdiş. Dayîka Denîz Poyraz, Fehîme Poyraz, Parlamenterê HDPyî ya Îzmîrî Murat Çepnî, rêxitistinê bajaran û qezayan ê HDPyî û xeylêk kesî tewrê maçê fînalî bî. 

 

‘Ez hêvî kena ke her kes têduşt pîya biciwîyo’

 

Fehîme Poyraz pêşnîyaz kerd ke heme dinya tê dir têduşt bicîwîyê û vat, "Ez heme ciwanê kurdî ke turnuvayê ciwanan ê bi nameyê Denîz Poyraz de ca girewt semedê keda dayî pîroz kena. Ez spasîyê her kesê ke tewrê turnuvayî bî kena. Hêvî kena ke heme şarê dinya pîya mîyanê aştî de biciwîyê. Ez kesê ke semedê azadîya kurdan têkoşîn danê seba kede danê pîroz kena û serkewtiş înan ra wazena.” 

 

Kesê ke kede dayî spas kerdî

 

Parlamenter Murat Çepnî zî Denîze ard vîr û her kesê ke semedê turnuvayî kede dayî spas kerd.

 

Peynîya maçî de Fehîme û Murat, Poyrazspor ke bi ser kewtî pîroz kerdî, kupa, plaket, xelat û formayê Amedsporî rê diyarî kerdî.Tîmê Denîz Firatspor rê zî plaket ame dayîş.