RIHA - Çalakîya 'Nobeta Edaletî' ya Emîne û Ferît Şenyaşarî roja  208ine de dewam kena.

 

Çalakîya "Nobeta Edaletî" ya Emîne Şenyaşar û lajê ci Ferît Şenyaşar ke 9ê Adare de dest pêkerd, roja 208ine de dewam kena. Keyeyê Şenyaşarî semedo ke Edlîyeyê Riha peynîya hewteyî padeye ya, ewro keyeyê xo yê Pirsûsî de çalakîya xo dewam kerdî.

 

Keyeyî girêdayê çalakîya xo ya ewro, serê hesabê xo yê medyaya dijîtalî de nê mesajî pare kerd: "Eke şima hemverê nêheqî de bêhet bimanê, o wext şima hetê zaliman weçînayo. Wezîfeyê ma hemine oyo ke dadmendî, pêşkêşê neslê newe bikerê.”