ENQERE - Roşnvîran deklerasyonê HDPyî ercnayî û dîyar kerdî ke deklerasyonî ra bi hêvî yê û wina vat: "Partîyê muxalefetî berê ke HDPyî rê akerde yo derbaz bibê, destê ke derg kerdê bigîrê do semedê çareserîya sereyîn yê Tirkîya îmkanî awa bibê."

 

Partîya Demokratîke ya Şaran (HDP) 27ê êlule de çarçewaya xebatê wareyan de kerdê, deklerasyonêk 11 madeyî bi ca ameyîne, amade kerdî û eşkera kerdî. Deklarasyon de derheqê problemê kurdî, feqîrî, ekolojî û cinîyan de pêşnîyazî ameyî rêzkerdiş. Deklerasyon de ame dîyarkerdiş ke ê amadeyê ke bi hetê  komelî û aktorê sîyasî dir muzakere bikerê, semedê îdarekarîyê hempar û têkoşînê hempar amade yê. Akademîsyene Nesrîn Nas, nuştoxe Oya Baydar û ziwanzane nuştoxe Necmîye Alpay, derheqê deklerasyonê HDPyî de ercnayîş kerd.

 

'HDP bi zelalî fikrê xo eşkera kerd'

 

Akademîsyene Nesrîn Nas vat, deklerasyonî bi kelecanêk pîl goşdarî kerda û vat: "HDPyî vat, ez partîya Tirkîyaya, mi nasname û herêmêke sir sînor megîrê. Semedê problemê Tirkîya pêşnîyazîyê min ê çareserî estê û nê da serê masa. Heta nika mabêne partîyê muxalefetî de  munaqeşeyê ‘ma qisey bikerê, pê bikerê' ameyîne kerdiş û HDPyî nê zaf zelal da serê masa. Serê nêbîyayîşê demokrasî de problemî nînê çareserkerdiş û netîceyê ci ma ewro baş ciwîyenê. HDP semedê hawirêk demokratîk çîyê lazim ard vîrê her kesî. Ez no het ra zaf girîng vînena.”

 

'Vernîya krîmînalîzekerdişî ame padayîş'

 

Nesrîne dewam de wina vat: "HDP mesajêk ke muxalefetî rehet kerd, da. Vatişê, ‘meclîs noktayê esas yê çareserîyê probleman o’ girîng o. Semedê nê eke partîyê muxalefetî berê ke HDP kerdo a, derbaz bibê. Destê ke derg kerdê bigîrê do semedê problemê Tirkîya îmkanê çareserî bêrê awankerdiş."

 

'Deklerasyon pozîtîf o' 

 

Nuştoxe Oya Baydar zî dîyar kerd ke deklerasyon pozîtîf vînena û vat: "HDP bi belgeyê xo mesajê, 'Ma partîya Tirkîyayê ke çareserîya problemê şarê Tirkîya esas gênê' da ma. Hetê HDPyî ra deklerekerdişê nê girîng o. Yew madeyê bîn ê, ‘çek çareserî nîyo, çareserî aştîye ya' bi û bi taybetî binê nê ame xêzkerdiş. Ez dekerasyon xeylêk pozîtîf û girîng vînena. Wa destê HDPyî bêro girewtiş."

 

'Problemê Kurdî rastîyêk zaf hetî yo' 

 

Ziwanzane nuştoxe Necmîye Alpay zî dîyar kerd ke deklerasyon zaf girîng o û vat: "HDP madeyê xo zelal da ro. Partî û komê cîya çîyêk kenê xo vîr ra; Problemê Kurdî rastîyêk zaf hetî yo. Derheqê problemê muxatabî de babetê caardişî yenê xovîrrakerdiş. Bi Îmraliyî dir ame girêdayîş, seke ke  HDP qet bi tesîr nîyo ame ramojnayîş. Partîyê meclîsî meşrû yê. Sîyasetêk ke xo dano het esto. Partîyê muxalefetî yewbînan pawenê. Eke şima qalê hetan kenê, ganî şima bi heme hetan ra bigîrê dest. Ganî hetê sîyasetî, kultur û ziwanî de bigîrê dest. Hema hemleyêk semedê muzakereyî nêameyo eştiş. Ganî tifaqê Mîlletî somut qisey bikero û çareserîyê somutî vajo."