AMED - Roniştişê dewaya derheqê Rojnamegere Nurcan Yalçin ke çarçewaya cipersayîşê Komeleya Cinîyan ê Rosayî de amebî destpêkerdiş, dozgerî heta 20 serrî ceza Nurcane rê waşt.

 

Derheqê Rojnameger Nurcan Yalçin de çarçewaya cipersayîşê Komeleya Cinîyan ê Rosayî de amebî destpêkerdiş bi îdayê "endamîya rêxistine" dewa ameye akerdiş. 5in roniştişê dewaya 9ine Dadgeha Cezaya Giran ya Amedî de ameye vînayîşî. Nurcane tewrê roniştişî nêbî û avûkatê ci Resul Temur roniştiş de amade bi.

 

Mudurîyetê Polîsan ê Amedî nuşteyê ke derheqê ajansê ma de  dadgehe rê şawit, dîyar kerd ke sîte ameya astengkerdiş bi VPNî kewenê sîte û îda kerd ke sîte bi xeberê ke viraznenê pesnê PKK û KCKî danê.

 

Makamê îdayî dîyar kerd ke mutalayê înan amade yo, goreyê delîlê dosya de Nurcane çarçewaya xebatê Komeleya Cinîyan a Rosayî de tewrê çalakîyê rêxistinî bîya û îda kerd "endama rêxistine ya" û "Propagandayê rêxistine kerda" û waştişê 20 serrî cezaya zîndanî kerd.

 

'Polîsî goreyê xo şîrove kerdo' 

 

Avûkat Resul Temur, dîyar kerd ke mudurîyetê polîsan goreyê xo derheqê ajansî de şîrove kerdo û reaksîyon nîşanê nuşteyê ke dadgehe rê şawit da. Resul dîyar kerd ke JINNEWS ajansêk fermî yo. Muwekîlê ci Nurcane xebatkara JINNEWSî nîya JINHA ya û semedo ke derheqê babete de belgeyan kom bikerê dem waşt. 

 

Dadgehe zî waştişê avûkatî yê demî qebûl kerd û roniştişê taloqê 22yê teşrîna peyêne kerd.