RIHA - Keyeyê Şenyaşarî ke roja 204ine de çalakîya xo ya Nobeta Edaletî dewam kena serê hesabê xo yê dijîtalî de nê mesajî pare kerdî: "Wexto ke edalet nêbo, merdimayî zî çinbo!"

 

Çalakîya Nobeta Edaletî ya Emîne û lajê ci Ferît Şenyaşar ke vernîya Edlîyeyê Rihayî de roja 204ine de dewam kena. Semedo ke polîsan dest dabî serê pankartê keyeyî, keye bêpankart çalakîya xo dewam kenê.  

 

Keyeyê Şenyaşarî serê hesabê xo yê medyaya dîjîtal de Serekê Baroyê Stenbolî Mehmet Dûrakoglû, Baroyê Îzmîrî, Wezaretê Xizmetê Komelî û Keyeyî û Waliyê Rihayî Abdûllah Erîn etîket kerd û wina vat: “wexto ke edalet çinbo, merdimayî nêbeno! Wa nalet endamê hukmê ke edalet bi ca nêanê bêro. Wa nalet kesê ke zulm welatijanê xo rê kenê bêro, wa nalet ê kesê ke zulm na dayîke kenê bêro."