Oznur Deger

 

ENQERE- Namzeta OÇAVî avûkate Îlke Işik 66ine Heyetê Pêroyî ya Baroyê Enqereyî ercnayîş kerd û dîyar kerd ke serê kursî de kesî qalê problemê derheqê huqûqî de nêkerdo û vat: "Oyo ke ma çareser bikerê fehmê îdarekarîyê baroyî yo û ma do seba baroyêkê bêhet têkoşîn dewam bikerê."

 

66ine Heyetê Baroyê Enqereyî mabêne 18-19ê êlule de Bîlkent Odeon de ame kerdiş. Namzeta Koma Avûkatê Hemdemî ya Azadîwaştox (OÇAV) Îlke Işik, namzetê Koma Avûkatê Çepê Demokratîk (DSA)  Serekê nika yê baroyî Erînç Sagkan, namzeta Koma Vefa ya Meslegî Sezgîn Ozkan, namzetê Tevgerê Demokrasi Raste Rast (DDH) Nîhad Karsli û namzeta Koma Heqê avûkatan (AHG) Nazli Dîdem Mogulkoç kewtî weçînayîşê serekeyî yê baroyî û serekê bîyaye Erînç Sagkan reyna serek ame weçînayîş. Baroyê ke 21 hezar avûkatî qeydê înan esto la tena 12 hezarî 920 avûkatî rayî xebitnayî.

 

Namzeta OÇAVî Îlke Işik dimayê weçînayîşê Baroyî qisey kerd û dîyar kerd ke fehmê îdareyê baroyê bîyaye bêro vurnayîş û bale ant serê girîngîyê baroyêk demokratîk û bêhet.

 

'Nêzdîbîyayîşê hemverê Heyetê Pêroyî merdiman xemgîn keno' 

 

Îlke vat, heyeto ke serrêke de 4 rey ame taloqkerdiş, tewrbîyayîşê ci xeylêk kêm bîyo û nêzdîbîyayîşê avûkatan ê hemverê Heyetê Pêroyî merdiman xemgîn keno û wina vat: "21 hezarî avûkatî nêwazenê bêrê heyet û temaşe kenê. Avûkatî baro sey rêxistinê xo yê meslegî nêvînenê. Waştişê ma yê tewr pîl baroyêk demokratîk ê bêhetî yo. Semedo ke avûkatî wayîrê rêxistinê xo yê meslegî vejîyê, organîzasîyonê qerarî de ca bigîrê û baroyêk zafî awan bikerê. Ma nê reyke bîn tespît kerd.”

 

'Kesî qalê problemê edalet û huqûqî nêkerd'

 

Îlke vat, hema hema xêrcê înan tu kesî kursîyê Heyetê Pêroyî nêxebitnayo, qisey nêkerdo, qalê huqûq û edaletî nêkerdo û vat: "Heyetê Pêroyî organo tewr corî yê Baroyê Enqereyî yo. Ma ganî uca de muanqeşe bikerê, qisey bikerê, Ganî derheqê ameyox de qerarî bêrê girewtiş. Heyetê Pêroyî semedê temamkerdişê prosedurê meslegî îdarekerdişê bîyaye nînê kerdiş. Ma zî bi nê fehmî weşan kerd. Ma babete problemê binpaykerdişan ra bigîrê, heta çîyê ke avûkatê ciwan û avûkatê cinîyan de heqê qiseykerdişî girewt. Xêrcê ma yew qanûnêk bi, o zî derheqê mengan de bi. No het ra Heyetêk pêroyî yê balkêş ame kerdiş."

 

'Ganî mekanîzmayê semedê çareserî bêrê awankerdiş' 

 

 Îlke tewr peyîn wina vat: "Vernîya weçînayîşî heme komê ke bî namzet behsê problemê karkeran, stajyer û avûkatê ciwanan kerdî. Pêwa ke ma nîmeyê meslegî awan kenê, sey ke avûkatê cinê çin ê têgêrenê. Qiseykerdişê na babete weş a la qiseykerdiş qîm nêkeno. Demo ke ma qalê tekelbîyayîşê meslegî kenê, ma vanê ke kewto bînê sermaye, nêrazîbîyayîş nîşanê ma danê. Xeylê pêşnûmeyê ke ma dayî derheqê; karker, avûkatê ciwanî û stajyeran ser bi. Semedê avûkatê ciwanî, stajyer û karkeran ma fonêk paştdayîşî pêşnîyaz kerd. Ma waşt kaîdeyê stajî wurzo. Derheqê avûkatê cinîyan de zî pêşnûmeyêk ma estbi. Ma vat çi ra bi ca nînê. Ma semedê çareserkerdişê probleman awankerdişê mekanîzmayê ke eşkenê muracat bêrê kerdiş, bêrê awankerdiş. No pêşnûme heteyê vîyarte de amebi tesdîqkerdiş. La baroyê ma heta nika tena bi zorê ma belgeyêk polîtîka vet. La do no het ra hewldayîşê ma bibê. Ma xeylêk babetan de pêşnûme dayê. Semedê baroyêk demokratîk û tewrbîyayîşî bêro awankerdiş ma do taqîbkerdoxê pêşnûmeyê xo bibê. Ma do têkoşînê xo dewam bikerê."