RIHA - Çalakîya "Nobeta Edaletî" ya Keyeyê Şenyaşarî 201 rojî yo dewam kena. Keyeyî çalakîya xo ewro keyeyê xo yê Pirsûsî de dewam kerd. Mesajê xo yê ewro de vatî: "Têkoşînê ma yê heq, huqûq û edaletî girs beno."

 

Çalakîya “Nobeta Edaletî” ya Emîne Şenyaşar û lajê aye Ferît Şenyaşar ke 9ê adare de dest pêkerdibi, roja  201ine de dewam kena. Keyeyê Şenyaşarî, semedo ke Edliyeyê Rihayî peynîya hewteyî padeye ya, ewro keyeyê xo yê Pirsûsî de çalakîya xo dewam kerd.

 

Keyeyî serê hesabê xo yê medyaya dîjîtalî de fotografê eşkerayîya 200 avûkatan serê vengdayîşê Şubeyê Komeleya Huqûqnasê Semedê Azadîye (OHD) yê Rihayî beşdarê çalakîya 200 roje ya keyeyî bîbî pare kerd: "Pêwa heme astengîyan zî, têkoşînê ma yê heq, huqûq û edaletî girs beno."