MERKEZÊ XEBERAN - Bi wesîleyê 4ine sergerra awankerdişê ajansê ma, cinîyan fikrê xo dîyar kerdî û hemverê  ziwanê cinsperestî yê çapemenîye zêdebîyayîşê weşanê sey JINNEWSΠyê rojnamegerîya cinîyan wazenê. Hemsereka Pêroyî ya ÎHDî Eren Keskîn zî vat: "Goreyê mi Jinnews, dewamê rojanamegerîya Gurbetellî Ersoze yo. Jinnews rojnamegerîya cinîyan keno, problemê cinîyan ano ziwan."

 

Ajansê ma JINNEWS ke 25ê êlule 2017 de bi sloganê, "Bi qelama cinîyan rêça heqîqetî de" dest bi weşan kerd, 4in serrgera xo pîroz keno. Bi kelecana serrê ke ma cinîyan dir derbaz kerdo, 4in sergerra xo pêşwazî kenê û bi na wesîle ma mîkrofon semedê ajansê xo cinîyan rê derg kerd.

 

'Bîyayîşê Jinnewsî bawerî dano cinîyan'

 

Dayîka Aştîye Perîhan Akbulut: Ma 4in serrgera JINNEWSΠpîroz kenê. Semedo ke heme cinî yê, dinya de zî yewin o. Ma dayîkî zî xo verê înan de rehet hîs kenê. Baş o ke ê estê.

 

Teknîkera laboratuvarî Gulay Akgul: No proseso ke cinî rastê her tewir şîdetî yenê, bîyayîşê JINNEWSΠbawerî dano cinîyan. Rayîrê pîlkerdişê nê bawerî zî paştdayîşê cinîyan ra derbaz beno. Semedo ke pêro xebatkarî cinî yê, girîngîyê ci tewr zêde yo semedê ma. Jinnews semedo ke cinîyan nêzdî ra taqîb keno, problemê cinîyan zano, bawerîya ma zî zêde bena. Ganî sazgehê ke têkoşînê cinîyan vînenê tewr zêde bê ke kulturê serdest yê camêrdan ra dûr bikewê.

 

'Bîyayîşê ci serberzî yo'

 

Wendekar Menal Ayirtman: Bîyayîşê JINNEWSΠmi serebrz keno. Sey wendekar û cinîyêke ciwan e bîyayîşê  JINNEWSΠra zaf kêfweş a. Xeylêk cinî yenê qetilkerdiş. Xeylêk cinî bi endîşeyê mergî ciwîyenê. Semedo ke  Jinnews bi vengê ma, spas kena. Ez kêfweş a. Bi omidê serrê dergan. Baş o ke esto û ma dir o.

 

Kedkara keyeyî Ayşen Uzar: Bîyayîşê ajasêk ke vengê cinîyan dano eşnawitiş, ma kêfweş keno. Ez keda heme cinîyan pîroz kena. Yewîya cinîyan do şîdet peynî bikero. JINNEWS nimûne yo. Ez înan pîroz kena. Omid kena sazgehê wina zzêde bibê. Na herre ser o lazimî bi nê esta. Hezar rey pîroz bo.

 

'Cinîyê Kurdî rayberî kenê' 

 

Ebru Gunay: Ez çarin serrgera înan pîroz kena. Başo ke JINNEWS esto. Ma prosesêk ke teda û zulm yeno ciwîyayîş ra derbaz benê. Heqîqet yeno sîyakerdiş. Wexto xebera cinîyan benê, no tewr zêde tûj beno. Bi taybetî wazenê heqîqetê cinîyan binimnê, serê kiştişê cinîyan nimnenê, gumanbaran bipawê. Semedê nê xeberdarîya cinîyan xeylêk girîng o û manayîn o. Ez semedê nê JINNEWSΠra spas kena. Derheqê cinîyan de ajansêk xeberan ke vatişê xo xurt vano yo. Bi taybetî cinîyê kurdî rayberîya nê kenê û no çîyêk girîng îfade keno.

 

'4ine serrgera Jinnewsî pîroz bo' 

 

Rojanemger Burcu Yildirim: Wa çarin serrgera JINNEWSΠpîroz bo. Nê esasî de tena serrgera ajansî nîyo, serrgera têkoşînê cinîyan o zî. Semedê ma hemine bi hemleyêk pîl. Nê rojê ke şîdetê serê cinîyan zêde bîyo, eşnawitişê vengê cinîyan û semedê paştdayîşê serê cinîyan têkoşîn dayîş xeylêk girîng o. Demê peyîn de yew çîyo ke tewr zêde cinî hewce pê vînenê, vengê înan bêro eşnawitiş, vengê înan bibo yew û cuyêke azad û têduştî de ca girewtê. JINNEWS zî nê keno cuye. Eynî demî de herême de nimûneyê rojnamegerîya cinîyan nîşanê ma dano. Ma şîdetê serê cinîyan bi JINNEWSΠdir eşnawenê. Eynî wextî de bibo veng û boya cinîyan. Ma na het ra xebatê înan yê serkewte nêzdî ra taqîb kenê. Bi omidê xeylêk serran û omidê ke cinî pîya rayîra şêrê û pîya vengê xo berz bikerê.

 

'Ma Jinnews ra hes kenê' 

 

Hemsereka Pêroyî ya ÎHDî Eren Keskîn: Goreyê mi JINNEWS, dewamîyê rojnamegerîya Gurbetellî Ersoze yo. Cografyaya ma de zêdebîyayîşê rojnamegerîyê cinîya girîng o, zêdebîyayîşê rojnamegerê cinîyan tewr zêde girîng o. Semedê nê zî hetê rojnamegerîya cinîya kurdî de belkî zî çîyêk yewin ê girîngî yo, semedê nê ez girîng vînena. JINNEWS eynî wextî de rojnamegerîya cinîyan keno, problemê cinîyan ano ziwan. Wexto nasnameyê cinî û kurdî yenê têhet, xonêrehet keno. Semedê nê zî rastê xeylêk astengîyan yeno. Tirkîya hemverê pêkerdişê mîyanneteweyî yê îmza keno vejêno û astengîyan vejeno. Tewr zêde zî JINNEWS rastê astengîyan yeno. Ma JINNEWSΠra hes kenê, ma JINNEWSΠ rê azadî wazenê.

 

'Başo ke Jinnews esto' 

 

Edîtora Ekmek û Gul Sevda Karaca: Pêwa ke bi desan rey rastê astengîyan ame, pêwa ke xebatkar û rojnamegerê înan rastê tedayan ameyî, ameyî destbendkerdiş, tehdîdkerdiş zî bi desan rojnamegerê cinî Jinnews de xo resnayî. Eke no înat û xoverdayîşê JINNEWSΠçinbabayîne do hîkayeyê cinîyan tewr tay bigirewtêne. Ez çarin serrgera înan pîroz kena.

 

Sereka Komeleya Demê Cinîyan Dîlek Başalan: JINNEWS semedê mi yeno manaya ke hişmendîyê cinîyan bi xeberdarî dir ameyo têhet û cografya ma û heme dinya de vera tedayê cinîyan o. Bêguman cinîyê kurdî rastê şîdetê giranan yenê. Binê nasnameyî de rastê şîdetê dewlete yenê. Serranê peyîn de rojnamegerê cinî yê kurdî semedo ke xeberan viraznenê yenê tepiştiş û cezakerdiş. La pêwa heme astengîyan înan rastî neql kerd. Baş o ke JINNEWS esto, baş o ke ma estê.