RIHA - Emîne Şenyaşar ke verê Edliyeyê Rihayî de nobeta xo ya edaletî dewam kena derheqê çalakîya xo ke do roja îne bikewo roja 200 vengdayîşê paştdayîşî kerd.

 

Çalakîya “Nobeta Edaletî” ya Keyeyê Şenyaşarî vernîya Edliyeyê Rihayî de roja 197ine de dewam kena. Saetê serê sibayî de Emîne Şenyaşar û lajê xo Ferît ameyî cayê sey "Quncê Edaletî yê Keyeyê Şenyaşarî” yeno binamekerdiş roniştî û bi dowizê “Ma tena edalet wazenê” dest bi nobeta xo ya ewro kerdî. 

 

Keyeyî serê hesabê xo yê medyaya dîjîtalî de nê mesajî pare kerd: “Nêweşxaneyê Dewlete ya  Pirsûsî de qirkerdiş esto. Qeraro nimte 3 serrî yo dewam keno. Çekûyî qîm nêkenê ke ma bêedaletîyê ke ciwîyenê vajê.”