EDENE - Sereştişê keyeyê îdarekarê Çûkûrova TÛHAY-DER û TÛHAY-DERê Edeneyî de, 9 kesî ameyî destbendkerdiş.

 

Çarçewaya tehqîqato ke Serdozgeriya Komara ya Edeneyî bi îdiayê “endamîya rêxistine” dayo destpêkerdiş de Edene, Mêrsîn û Sêrtî de polîsan eşt serê xeylê keyeyan. Polîsan çarçewaya cipersayîşî de eşt serê Komeleya Paştdayîşî û Hetkarîya bi Keyeyê Tepişteyî û Hukmwerdoxan dir (Çûkûrova TUHAY-DER) û Komeleya Paştdayîşî û Hetkarîya bi Keyeyê Tepişteyan û Hikumwerdoxanê Edeneyî. Ame zanayîş ke polîsan dimayê cigêrayîşêk derg dest dayî serê xeylêk ewraqê fermî. 

 

Sereştişê keyeyan de eynî cigêrayîşî de Edene, Mêrsîn û Sêrtî de îdarekarê TÛHAY-DERê Edeneyî Zakîr Akalın, Sînan Baldûz û 7 kesê ke nameyê înan nêameyî zanayîş ameyî destbendkerdiş.