ENQERE - Verê berê Kampusê Zîndanê Sîncanî ke do roniştişê Dewaya Kobanî bêro vînayîş, tevgero zêde yê polîsan esto. Polîsan destûr nêdayî ke rojnameger û temaşekerdoxî bikewê zerre û roniştiş taqîb bikerê.

 

Roniştişê 4ine Dewaya Kobanê ke 20 ci ra tepişte, 108 siyasetmedarê Kurdî û îdarekarê Partîya Demokratîke ya Şaran (HDP)) ci ra yenê muhakemekerdiş, do Kampusê Zîndanê Sîncanî de bêro vînayîş. 

 

Polîsan vernîya roniştişî, rayîrê Zîndanê Sîncanî bi barîkatan padayî. Kesê semedê pêvînayîşî ameyî zîndan, cigêrayîşêk zêde re ameyî derbazkerdiş. Merdimê tepişteyan semedê Dewaya Kobanê ameyî, temaşekerdox û rojnamegerî bi bahaneyê fermanê serekê dadgehe yo, nêgirewtî zere. Tena avûkatî, parlamenter û kesê ke tepişte nîyê û yenê muhakemekerdiş girewtî zere.

 

Avûkatê dewa bi serekê dadgehe yo ke Dewaya Kobanê ewnîyeno, pêvînayîş kerd. Goreyê zanayîşê ke avûkatan da, tu qerarêk serekê dadgehe yê ke rojnameger, temaşekerdoxan û merdimê tepişteyan nêgirewtî salone, çin o.