Melîke Aydin

 

ÎZMÎR - Dayîka Denîz Poyraza ke a hêrişê hemverê HDPyê Îzmîrî de ameye qetilkerdiş, Fehîme Poyraz reaksîyon vera keso bi nameyê  Mehmet Laçîn ke verê bînaya Îzmîrî de bi îdiayê tutê ey şawitê ko û dest bi nobete kerdibi da û no persî kerd  ‘gelo dore Enqereyî ya?’

 

Keso bi nameyê Mehmet Laçîn bi îdiayê tutê ey şawitê ko, verê bînaya HDPyê Îzmîrî de dest bi nobete kerdibi û 16ê êlule de zî ey berdibî verê Merkezê Pêroyî yê HDPyê Enqereyî. Mehmet Laçîn rê hewl dayî ke verê merkezê pêroyî yê HDPyî de çadire ronê. HDPyijan nê sey provakasyon erjnayî û destur nedabî çadire ronê. Dayika Denîz Poyraz ke 17ê Hezîrane de hêrişê hemverê HDPyê îzmîrî de amî qetilkerdiş, Fehîme Poyraz zî reaksîyon ramojna û dîyar kerd ke seba tedayê psîkolojîk serê kesê şinê HDPyî bikerê çadire danê ro û vat, dimayê ke çadire dayî ro Denîze ameya qetilkerdiş.

 

'Semedê şarî taqîb bikerê dafike awan kerdî'

 

Fehîme vat, aye Mehmet Laçînî verê çadira ke verê bînaya HDPyê Îzmîrî de ameya ronayîş dîyo û dimayê ke o ameyo çadire ameya ronayîş û vat: "No defikêk bi, semedo ke kam kono ci, vejêno dayî ro. Semedo ke psîkolojîyê kesan xira bibo nê kenê. Mehmet Laçîn zî tim uca de bi."

 

'Kes kesî nêeşkeno bi zor bero ko'

 

Fehîme dewam de wina vat: “Kes bi zor nêeşkeno bişawo ko. Ma aştî wina bena. Ganî ma yewbînan ra bawer bê. Şarî wina yewbînan parçe kenê. Ganî ma pîya bawer bê. Ganî ma yewbînan bikerê xo verike. Gelo do HDP senîn şarî bero ko?”

 

'Her keso ke temaşe keno sûcdar o' 

 

Fehîme vat, Mudûrê Merkezê Vengdayîşê Lezabezî yê 112 yê Îzmîrî Tuncay Volkan Bayat, kiştoxê Denîze, Onur Gencer semedo ke bişawo Sûrîye weçînayo û vat, o kes eynî wextî de Otela Balçova Termalî de bi ca bîyo û vat: "O kam ci otele ra vejîyayo, engişta înan zî esta. Ê zî hemkarê sûcî yê. A çadire de polîsî estbî. Wexto ke înan temaşe kerd ê zî bî hemkarê sucî. O camêrd şi Denîze qetil kerd. Wa destur nêdê ke şêro Enqere. Do hema hîn kesê bînan qetil bikerê. Wa şar bibo yew destûr nêdo. Wa kiştoxan nêpawê.  Ma nêwazenê dayîkî bibermê. Wa  aştî û edalet bêro. Wa polîsî êdî kiştoxan nêpawê. Wa fek nê ra vera bidê."