RIHA - Emîne û lajê xo Ferît Şenyaşar 191 rojî yo verê Edliyeyê Rihayî de nobeta "edaletî" de yê. Keyeyî ser hesabê xo yê dijîtalî de wina vat: "Sîstemê edaletî yê bêpar mecbûrê vîndîkerdişî yo.”

 

Emîne Şenyaşar û lajê xo Ferît Şenyaşar ke hîrê ferdê keyeyê înan hetê pawitox û merdimê parlamenterê AKPyî Îbrahîm Halîl Yildiz ra ameyî qetilkerdiş, çalakîya xo ya “Nobeta Edaletî” roja 191ine de verê Edliyeyê Rihayî de dewam kenê. 

 

Keyeyî serê medyaya dijîtalî de nê pare kerd: "Çi heyf hêzê ma yê ke ma verê edlîye de bi tena xo nê bêedaletî werte ra wedarnê çin o. No bêedaletî serê dayîkêke de hemverê heme komelî de ameyo kerdiş. Wezîrê Edaletî tena temaşe keno. Sîstemê edaletî yê bêpar mecbûrê vîndîjerdişî yo."