AMED - Meclîsê Ciwanan ê HDPyî seba bale antişê têkoşînê hemverê fuhuş û tiryakî eşkerayî da. Meclîsê Ciwanan ê HDPyî dîyar kerd ke hemverê şerê taybetî têkoşînê xo pîl bikerê.

 

Endamê Meclîsê Ciwanan ê Partîya Demokratîke ya Şaran (HDP) seba bale bi ancê serê fuhuş û tiryakî yê zêde bîyo do Ferit Koşkî de şahî viraznê. Ciwanê ke hetê polîsan ra ameyî astengkerdiş bi dayîşê eşkerayî reaksîyon ramojnayî. Parlamentera HDPyî Dersim Dag, Rêxistinê HDPyî û xeylêk ciwanî beşdarê eşkerayî bî.

 

Dersime kampanyaya Meclîsê Ciwanan ê HDPyî ya hemverê fuhuş û tiryakî yeno waştiş, serê şerê taybetî de bêro kerdiş û vat: "Meclîsê ma yê ciwanan waşt ke mîyanê şarî de kilaman û govende cîyayêke dest pêbikero. Labelê bi saetan polîsî tîya vindertî. Seba ciwanî eşkerayî nêdê asteng kerdî."

 

‘Ma do destûr nêdê’

 

Dersime helwestê polîsan şermezar kerd û wina vat: "Yê ke wazenê şerê taybet, fuhuş û tiryakî mîyanê şarî de vila bikero no zihniyet o. Ma do têkoşînê xo yê hemverê nê zihniyetî dewam bikerê. Ma do sey meclîsê cinîyan, meclîsê ciwanan, HDP û şarê kurdî têkoşînê xo yê hemverê nê zihniyetî dewam bikerê. Çi beno wa bibo ma do destûrî nêdê fuhuş û tiryakî ma do nê polîtîka û nêzdîbîyayîşê teşhîr bikerê. Ez o reyke bîn nê nêzdîbîyayîşê şermezar kena."

 

Ciwanî bi sloganê "Xo girê mede azad bibe","Do tedayî zorê ma nêberê” vila bî.