STENBOL- Endama Meclîsê Heqê Tutan ê TOPî Hatîce Goz derheqê qetilkerdişê tutan ke wesayîtê zirxî ldayî piro û dinyaya xo bedilnayê û vat: “Bi taybetî bajarê kurdan merdişê netîceyê pirodayîşê wesayîtê zirxî de yenê ciwîyayîş. Herême de binê nameyê asayîşî de nê sûcî yenê kerdiş. Dewayan de qerarê ke  seba fêdeyê tutan nîno dayîş, demê ke babete bena tutê kurdî, tewr zêde beno.”

 

Goreyê raporê Komeleya Heqê Merdiman (ÎHD) mabêne 2008-2013 de tewr tay 63 serebûtî wesayîtê zirxî ameyê ciwîyayîş. Netîceyê nînan de 16 ci ra tutî 6 ci ra cinî bi pêroyî 36 welatî dinyaya xo bedilnayî. Nînan ra 14 hebî Amed, 10 hebî Şirnex de dinyaya xo bedilnayî. 13 serran de tewr tay 40 welatî serebûtî pirodayîşê wesayîtê zirxî de dinyaya xo bedilnayî. 

 

20 rojê peyîn de hîrê tutî pirodayîşê wesayîtê zirxî de dinyaya xo bedilnayî. Îbrahîm Kirtay ke 11 serrî bi 25ê Tebaxe de qezaya Xelat a Bedlîsî, Mîraç Mîrogluyo 7 serrî 3ê êlule ê Hezexî ya Şirnexî, wendekarê lîseyî Furkan G. yo 14 serre qezaya Erenlerî ya Sakaryayî de 9ê êlule de netîceyê pirodayîşê wesayîtê polîsan de dinyaya xo bedilnayî.

 

Cipersayîşê derheqê merdişê Îbrahîmî de tu averşîyayîş çin o, ê Mîraçî de zî îfadeyê polîsî ame girewtiş û dima ra ame veradayîş. Raporê cigêrayîşî de cayê serebûtî yê polîsan de Mîraç ‘bi qusur’ ame vînayîş. Polîso ke bi sebebê merdişê Furkan zî ame tepiştiş la derheqê ameyo tepiştiş de zanayîşêk çin o. 

 

Endama polîtîkayê şerî yo

 

Endama Meclîsê Heqê Tutan ê Partiya Azadiya Komelî (TOP) Hatîce Goz derheqê babete de qisey kerd û vat, pirodayîşê wesayîtê zirxî, serebûtî de cayêk bîn yê welatî de polîs bido yewî ro cîya yo û vat, netîceyê polîtîkayê şerî yo.

 

‘Ganî bêrê taqîbkerdiş’ 

 

Hatîce vat, pirodayîşê wesayîtê zirxî herêmêke de yenê meydan û no tesaduf nîyo û vat: “Nê qeza nîyê. Bi taybetî bajarê kurdan de yeno meydan. Nimune, polîso ke Mîraç qelibyayo vato, ‘Ez lez nêbîya, mi nêwaştêne wina bo.’ Ame veradayîş. La uca de binpaykerdişê heqê cuye esto, binpaykerdişê heqê cuya tutan esto. No serebût, serebûtê bajarêk bîn yê welatî de bi ca bêro zaf cîya yo. No girêdayê polîtîkayê şerî yo.”

 

‘Wexto babete bena kurdî zêde benê’

 

Hatîce dîyar kerd ke Tirkîya bêcezaverdayîş de sey polîtîkayêk bi ca ano û vat: “Dewayê binpaykerdişî heqê cuya tutan de feydeyê seba tutan nîno girewtiş, netîceyê bêcezaverdayîşî vejênê. Wexto babete benê kurdî yan zî tutê multecîyan no tewr zêde beno. Wexto babete wina bo sûc zî zêde beno.”