COLEMÊRG - Dayîka, hemşaredara Geverî Remzîye Yaşar ke qeyûm tayînê vera aye bi, Muhsîma Yaşar dîyar kerd ke tepişteyê cinî ke seba kilamê kurdkî vatê û govende kerdê, cezaya dîsîplînî ameya birnayîş û wina reaksîyonê xo ard ziwan: “Ma hemverê nê sîstemî yê. Ma caardişê wina û cezayan qebûl nêkenê. Ma fek qiseykerdişê kurdkî ra vera nêdanê.”

 

Zîndanê Cinîyan ê Xarpêtî de hemsereka Kongreya Komela Demokratîk (KCD) Leyla Guven, hemsereka HDPyî Amedî Hulya Alokmen Uyanik, Temsîlkarê Serekatîya Pêroyî ya ESPyî Fethiye Ok Çîçek û hemşaredara Gevegerî ya ke qeyûm tayînê vera ci bi Remziye Yaşar zî mîyan de 9 tepişteyan rê cipersayîşê dîsîplînî amebi destpêkerdiş. Hetê Mudurîyê înfazê Cezaya Xarpêtî ra bi bahaneyê 15ê tebaxe de bername organîze kerdê, cipersayîş ame destpêkerdiş û zabitnameyê ame girewtiş de, kilamê kurdkî yê vatibî sey ‘marşê ke ziwanê nîno famkerdiş de vatê’ ame nuştiş.

 

Reyna eynî tarîx de Zîndanê Cinîyan ê Sîncanê 4 tepişteyê cinî bi bahaneyê kilaman vatê û govende kerdê cezaya îrîtîbatî ya 4 mengan amebî dayîş. Reyna hemşaredara Qereyazî ya Erziromî Melîke Goksu zî pêvînayîşê telefonî bi keyeyê xo dir diyar kerdebî seba ke bi hîrê embazanê xo dir kilaman vatê û govende kerdê rastê cezaya dîsîplînî ameyê.

 

‘Kurdkî ziwanê ma ya’ 

 

Hemşaredara Geverî Remziye Yaşar ya ke Zîndanê Cinîyan ê Xarpêtî de tepişte ya û qeyûm tayînê vera ci bi zî rastê cezaya dîsîplînî amî. Dayîka aye Muhsîma Yaşar dîyar kerd cezaya ameya dayîl bêhuqûqî ya û wina vat: “Kênaya mi û embazê xo vejênê hewşe û seba dem derbaz bo kilamê kurdkî vatê. Xo rê bi ziwanê xo kilaman vatê. Nê kerdê bahane û seba kênaya mi û 8 embazê aye mengêke qedexeyê pêvînayîşî û qiseykerdişê telefonî ardî. Seba bi ziwanê xo kilaman vatê, ceza ci rê birnayê. No merdimayî nîyo û wijdanî nîyo. Gelo do zîndan de merdimî senî dem derbaz bikerê.”

 

‘Kurdkî ziwanêke ya û senî nîna famkerdiş’

 

Muhsîma reaksîyon vera bahaneyê ke ‘ziwanê ke nîno zanayîş’  seba kurdkî ameyo vatiş, mojna ra û wina qedêna: “Kurdkî zimanêke ya senî fam nêkenê? Aseno ke Kurdan nas nêkerdê. Heme ziwanê dinya zanê. Çira kurdkî nêzanê. Madem vanê kurdî wayê û birayê ma yê, o wext kurdkî zî esta. Kurdkî ziwanêko nêro famkerdiş nîya. Ma nê cezayan qebûl nêkenê. Ganî ziwanê ma qebûl bikerê. No welat de ne huqûq, ne edelet û ne zî merdimayî mendo.”